Video
Read full review
2020-01-20
170 views
係銅鑼灣附近食lunch既人 (包括我自己在內), 一定有聽過呢間黎自日本廣島的過江龍「霸嗎拉麵」! 不過平時既午市真係太多人排隊, 黎遠都見到長長既人龍, 所以一直都未有機會試到。難得今日放工約左朋友shopping, 行到肚餓之後去覓食, 竟然無人排隊, 直接入得, 正🤩 同大部分拉麵店一樣, 麵質、湯底油度可以自由選擇, 我地一行三人叫左3個拉麵同埋2碟小食。因為餐廳本來已有檸檬水🍋💧提供, 所以無另外再叫餐飲。店裡燈光偏黃, 木系既佈置裝修加埋廚房窗口既紅色旗幟好有日本風格。餐廳善用高樓底既好處, 將天花改成斜面, 再鋪上長竹, 令成個設計更特別之餘, 又唔會令成個空間產生壓迫感。枱面上面有調味料 (一味粉, 蒜粉同餃子汁), 醬油碟, 筷子, 紙巾等用具, 因為長枱既設計係三人共用兩Set工具, 所以每個客人都一定接觸到, 比起其他拉麵店要兩人共用一套工具, 呢度已經好得多。等緊上菜既期間, 見到最面頭既白色小碟係用保鮮紙包住, 仲有字寫住叫大家拎下面既碟用, 令人感覺比較衛生同貼心。特盛炙燒豚肉拉麵 ($118)炙燒豚肉味玉拉麵 ($88)特盛既意思即係多D叉燒, 而味玉即
店裡燈光偏黃, 木系既佈置裝修加埋廚房窗口既紅色旗幟好有日本風格。餐廳善用高樓底既好處, 將天花改成斜面, 再鋪上長竹, 令成個設計更特別之餘, 又唔會令成個空間產生壓迫感。
枱面上面有調味料 (一味粉, 蒜粉同餃子汁), 醬油碟, 筷子, 紙巾等用具, 因為長枱既設計係三人共用兩Set工具, 所以每個客人都一定接觸到, 比起其他拉麵店要兩人共用一套工具, 呢度已經好得多。等緊上菜既期間, 見到最面頭既白色小碟係用保鮮紙包住, 仲有字寫住叫大家拎下面既碟用, 令人感覺比較衛生同貼心。
特盛炙燒豚肉拉麵 ($118)
特盛炙燒豚肉拉麵
$118
10 views
0 likes
0 comments
炙燒豚肉味玉拉麵 ($88)
炙燒豚肉味玉拉麵
$88
12 views
0 likes
0 comments
特盛既意思即係多D叉燒, 而味玉即係溏心蛋🥚。上面兩款拉麵味道相差唔大, 主要係配料不同, 所以一齊寫。當你食第一啖炙燒豚肉既時候, 你就會明白點解佢會成為招牌菜! 雖然佢超級厚身超大塊, 但肉質軟嫩😋。炙燒過的豚肉有微微的烤肉香, 仲非常香口! 唔係平時食果D好薄身既叉燒。而就係因為佢咁大舊, 而且油脂分佈平均同埋肥瘦適中, 咬落去唔會肥膩。
至於味玉方面, 一開頭見到原隻上都有少少擔心隻蛋會唔會因為放係熱湯入面太耐而熟哂, 點知篤開之後好驚喜! 蛋黃漿湧住出黎, 流心效果非常好! 湯底飲得出係用心製作, 非常濃厚同埋具有鹹香, 飲左一啖就停唔到。拉麵既麵條比一般既麵粗少少, 幾掛汁。
雞叉燒味玉雞白湯拉麵 ($88)
雞叉燒味玉雞白湯拉麵
$88
8 views
0 likes
0 comments
叉燒拉麵就食得多, 雞叉燒真係第一次試🙊。一碗拉麵有兩大件厚而扎實的雞件,外形扁身呈圓型, 咬落去好嫩滑。湯底充滿住濃厚既雞味 (可能加左少少雞油?!), 同豚肉拉麵一樣, 麵身好掛汁, 同埋雞湯一齊食, 雖然質感無豬骨湯咁厚身 (相對清少少), 但仍然濃郁。
唐揚炸雞 5件 ($35)
唐揚炸雞 5件
$35
9 views
0 likes
0 comments
上枱時, 每件炸雞都熱到出煙, 應該係岩岩炸起! 每件炸雞都好大舊, 外皮炸到香脆熱辣, 正! 食之前落左少少檸檬汁, 酸酸地, 解膩一流。咬落去炸雞度就會發現雞肉雖然炸左, 但係仍然非常嫩滑, 有肉汁! 好好食!
羽根燒餃子5件 (使用app優惠 +$15)
羽根燒餃子5件
$15
8 views
0 likes
0 comments
因為發現左原來下載左個app, 登記左之後就會有一張優惠卷可以即時使用。$15就可以食到原價$35的餃子, 好抵食! 呢個餃子做法好正宗, 餃子底部向天, 5隻餃子由一層薄薄的脆皮連接住, 唔同其他拉麵店咁樣, 一隻隻獨立分開。
唔太肯定係唔係即叫即煎, 因為上枱時的餃子唔算超級熱, 所以外皮只係略脆。入面既肉咬落去有肉汁, 沾埋酸酸甜甜的餃子汁, 唔錯。
Post
