味十味 (Closed)

好耐冇同我對面位朋友仔食飯，今晩我哋去咗由日本人開嘅餐廳食晚飯，好鬼期待啊，因為聽聞好地道好正宗，所以我哋今晚就book咗枱喇。見餐牌上其實都有好多嘢食，唔知食乜好就唯有搵服務員推介一下啦。原來呢服務員嘅廣東話都唔算好好，但好彩溝通得到，而且餐牌亦都有中文，佢指一指餐牌，我哋都知有咩好食喇。蕃茄洋蔥沙律$98唔好睇佢平平無奇，番茄多汁又鮮甜，番茄切成片，非常多水，而底下係有洋蔥，兩者配搭很好，一定要一齊食。法式咖喱炸豬肉飯$136望一望餐牌先知，原來係法式咖喱，不是日式咖喱，唔怪得知個味道同平時有少少唔同啊。超多排豬排啊，有成五塊，炸到好金喎，望落都好吸引，只係靱左少少，如果腍啲就更加好。咖喱醬非常之濃郁，而且好濃稠，影出嚟既顏色，色澤好深好吸引。醬既味有少少酸，酸得嚟又辣辣地，有少少似日式咖喱又有少少唔似，幾得意。珍珠米呢好飽滿，本身已經好甘香，所以好好食。