金田家 (Closed)

今日喺荃灣行到下午肚餓，突然好想食日本野。竟然比我見到一個好熟悉嘅名字金田家，我去褔岡旅行時已經聽過依個名！咁我就即刻決定食依間！叫完嘢食就有有三款送嘅小食做前菜，正～（黑色係豆來的）拉麵（有好多追加）、飯、小食的選擇都算多。柚子辛口拉麵再追加芽菜、木耳、溫泉蛋同粟米。朋友本身以為無咩料就追加咗咁多，佢實在係太衝動啦。。。結果拉麵嚟到緊係好足料啦。柚子味好香，雖然係辛口同湯濃郁，但食落去都清清地，無好油嘅感覺。鰻魚飯，雖然一定比唔上日本當地食嘅好。但佢鰻魚都好香，好有日本感覺小食方面叫咗鯖魚，魚油味好重好香，肉質都好滑，份量比想像中大條，值得推介發現好耐無飲波子汽水，就同朋友一人一支。波子汽水絕對能夠代表到日本食完之後仲可以填個問卷，贏現金卷，有著數點可以放過，哈哈。比個餐牌大家參考下啲價錢啦。