Video
Read full review
2018-11-27
176 views
印象中都黎過稻八超過兩次(?) 雖然我唔係特別擦得，但身邊總有喜歡食放題嘅朋友，點餐豪邁啲，唔洗就住就住。稻八喺我心目中算係同類型日式放題中比較出色之一，總括就係環境舒適，食物選擇夠多而質素唔錯。是日收工就同友人一同前來，餐廳位置頗多，坐得舒適，一部份梳化位，一部分方枱，由於人流唔算好多，即使兩人，都安排左四人座位，很有彈性。呢度嘅裝潢偏日式風格，木色為主調，光猛企理。餐牌方面，同一般日式放題一樣，都係以牛劃分價錢，定價$168/208/258/298/368，美國進口牛肉、美果殼飼牛肉、極上客格斯牛小排、澳洲M6和牛、日本黑毛和牛。基本包括牛肉、豚肉、羊肉、雞片、炸物任食，價錢高嘅套餐，包括前一級嘅肉類，所以日本和牛套餐一樣可以食到澳洲和牛。而$258以上套餐仲包括刺身；$298以上套餐有海鮮盛合。剛好做緊優惠，選擇日本和牛套餐亦可享用和牛刺身一份。湯底方面免費的可選蕃茄、芝麻豆乳、牛乳、昆布、壽喜燒、地獄、沙嗲、豬骨湯底，套餐仲包括飲品任飲、沙律吧、雪糕。兩小時基本非常足夠，由頭食到尾，值得一讚，上菜速度迅速，追加嘅牛肉質素相同。壽喜燒湯底試過其他放題嘅壽喜燒不堪入目，但我幾鐘意呢
餐牌方面，同一般日式放題一樣，都係以牛劃分價錢，定價$168/208/258/298/368，美國進口牛肉、美果殼飼牛肉、極上客格斯牛小排、澳洲M6和牛、日本黑毛和牛。基本包括牛肉、豚肉、羊肉、雞片、炸物任食，價錢高嘅套餐，包括前一級嘅肉類，所以日本和牛套餐一樣可以食到澳洲和牛。而$258以上套餐仲包括刺身；$298以上套餐有海鮮盛合。剛好做緊優惠，選擇日本和牛套餐亦可享用和牛刺身一份。
湯底方面免費的可選蕃茄、芝麻豆乳、牛乳、昆布、壽喜燒、地獄、沙嗲、豬骨湯底，套餐仲包括飲品任飲、沙律吧、雪糕。兩小時基本非常足夠，由頭食到尾，值得一讚，上菜速度迅速，追加嘅牛肉質素相同。
壽喜燒湯底試過其他放題嘅壽喜燒不堪入目，但我幾鐘意呢度嘅壽喜燒湯底，唔係一味得個鹹字，甜甜地，亦都唔會愈食愈口乾。
日本黑毛和牛放題 $368/位最貴嘅套餐有三款日本和牛：牛肩肉、牛肉眼上蓋、牛三角腩，和牛真係無得輸，入口滑嫩，雖然薄身，但好有彈性。
肉味方面，日本和牛就唔夠澳洲和牛咁明顯，勝在油脂平均，食幾碟都得啊
澳洲和牛包括牛肩胛肉、牛舌、牛下腹腩肉、牛胸肉，有肉味，一啲都唔鞋
牛柳粒
美國牛肉、豚肉、雞片
刺身
款式不及日式放題，但以食火鍋而言，可以過下口癮都唔錯，隨便點左幾款試下。
鮑片、榮螺、馬刀貝、北寄貝、八爪魚、象拔蚌、三文魚、甜蝦、櫻花魷魚、帶子。冰底上，我覺得整體比我上次黎新鮮，尤其是八爪魚，仲幾有彈性。
火炙和牛壽司店員會即場喺面前火炙，貼心問及熟成度，燒過嘅和牛幾有油香，不錯食。
和牛刺身呢個套餐送嘅刺身，賣相唔錯，亦都夠新鮮，難得一試。
海鮮盛合蝦、帆立貝、青口、八爪魚仔、廣島蠔等，中規中矩。
炸物呢度最特別嘅地方，莫過於呢個自家製炸物環節，沾膚粉漿，輕輕一炸，效果比想像中好。
尤其是蝦、芝士丸，炸到外層好香脆，芝士又流心，除左有噱頭，質素都唔錯
至於其他配料選擇應有盡有，丸類、蔬菜、菇菌等。
飲料方面都多，罐裝、紙包飲品有齊，一律自取，夠方便。
最後食埋movenpick雪糕就非常完美。
Post
