八吉 (Closed)

3月份係電影節季節，經常去尖沙咀，睇電影前去左八吉食一餐精緻日本料理！超有日本風！好多日本人幫襯呢。前菜（$20/位）胡麻豆腐好食！是日精選日本直送海產北海道牡丹蝦（$100）剛才的直送海鮮當中，揀左呢樣。好新鮮啊，我仲問蝦頭可唔可以另外炸。答案係可以。（加工費$15）脆脆炸蝦頭小食！新鮮吞拿魚壽司3點盛（$128）赤身、中拖羅及大拖羅壽司，新鮮好食。石垣和牛薯餅（$48）薯餅夠厚有口感！蘆荀豬肉卷（$88）豬肉包左蘆荀，感覺清新爽口。明太子燒飯糰（$48）呢個飯糰不得了，外面燒到有飯焦，入面有鹹香嘅明太子，好食呢！