星願 居酒屋 (Closed)

大食小妹四出搵嘢食，呢間日本餐廳係小妹住果頭，次次行過都多人排隊，難得今晚早收工又見唔算多人排，膽粗粗試下先，果然有驚喜😳咁唔怪之得要排隊啦！另外，都要讚下店員態度好親切友善👍🏻先黎串燒先😈全部都好惹味🤩❤️鹽燒牛舌，牛舌香口，咬落有趙口，又唔會韌。❤️鹽燒雞皮，必點！脆到卜卜聲又唔會油。❤️雞軟骨 ，仲有雞肉癡住一齊食，好正❤️燒雞皮墨魚滑卷，呢度嘅雞皮食品真係無得頂！又脆又爽又有口感。再叫個黑蒜餃子拉麵，拉麵彈牙湯汁夠濃！4隻餃子🥟仲要脹卜卜好足料👏🏻真係美好又豐富嘅一餐！