勝博殿日式炸豬排

Open Now

Now Closed

之前午巿時去過一次滿座，今日星期五早少少出動，好彩一位都有位。叫左個鮮嫩炸豬柳套餐(大)，佢的大中小係以豬扒的gram數分，無記錯的話小係70g，中係100g，大係140g，而我就梗係叫個大。套餐的前菜、麵豉湯、飯同沙律菜都可以任添。前菜係醃青瓜同蘿蔔仔，主菜未上先吃左沙律菜同前菜都有啲飽飽地。主菜終於到，熱辣辣炸豬扒香噴噴，果然份量十足，有成12塊，外脆內嫩，底層的脆漿就有啲濕左同剝落，但都不影響口感。每一啖豬扒都好有肉汁，日本米飯又夠煙韌，麵豉湯又香濃，成個餐都好滿意。雖然我食到好飽，不過最尾我都叫多一碗麵豉湯，慢慢歎埋先埋單。