博多·爐端燒

Open Now

Now Closed

朋友係識食之人，介紹我哋到呢間由福岡師傅親自處理，以九州料理為主的日式爐端燒餐廳。餐廳以灰色為主，裝修摩登。而所有嘅食材都係直接嚟自日本，坐咗入去就好似置身於日本咁，非常值得大家嚟試吓！今次我哋越叫越多嘢食，差唔多款款都好有特色，特別推介以下幾款：.🟢和牛筋呢個前菜已經份量十足，一口和牛配上日本酸汁放入口，好開胃！😋🟡福岡至賀島榮螺燒見到賣相已經覺得好啱打卡，榮螺燒完仲係好彈牙，食得出非常新鮮！😍🟣冷青椒呢個又係驚喜之作，一咬落去非常脆卜卜，青椒非常爽口，仲有鮮甜味🫶🏻🔴厚肉日本池魚池魚燒到金黃色，非常脆口又保持到魚香！😙🟠飛魚湯燒飯團茶漬飯團外層燒到有微微飯焦，再加入飛魚湯，紫菜、蔥花同芥末一齊食，口感豐富，咬落去飯團煙煙韌韌，好有口感！⚪️甜品：天神布丁及年糕紅豆湯布丁味道有濃濃蛋香，食落去好Creamy。紅豆湯同我喺白川鄉食嘅紅豆一樣甜入心，中間仲有非常煙靭嘅年糕，非常之暖心🫶🏻🫶🏻🫶🏻