屋子 (Closed)

今日去開將軍澳食午飯後，路過見到呢間有和式座位既餐廳，而且裝修幾靚幾舒服，仲有甜品食，所以就入黎試下喇。甜品方面就試左兩個，分別有白玉焙茶戚風及草莓純白卷蛋。白玉焙茶戚風戚風蛋糕既質感偏乾身，表面醬汁略嫌較少，白玉質感夠煙韌，不過因為醬汁唔夠，所以味道比較遜色，如果唔太好甜野既人會比較適合草莓純白卷蛋個人好喜歡，因為佢既蛋糕體厚身得黎會有少少濕潤感，配埋好鮮奶味既奶油，帶有少少甜，又唔膩既感覺，就自食完飯食都唔會太飽，除此之外，旁邊仲配左個士多啤梨乳酪，食落都好清新，兩樣加埋好滿足呢間餐廳坐得都幾舒服，而且除左有甜品，都仲有頗多正餐可供選擇，如果唔係已經食飽左，下次都想黎試埋佢既主食。