Video
Read full review
2024-10-06
1522 views
《洋食商店 - 長沙灣》話說呢一間日式餐廳我一直都好想嚟試㗎啦，因為佢性價比超高，裝修好有日本風，場內仲有不少懷舊嘅玩具同埋燈牌，播住日本歌勁有氣氛🥰近排見到好多人都介紹佢哋嘅壽喜燒鍋套餐，一個鍋食加兩款小食再加個刺身拼盤都只係四百幾蚊😏如果想食豪少少加多$50就可以轉做美國頂級牛頸脊+岩手縣和牛壽喜燒，最尾仲會有個白汁燉飯俾你做結尾，完全唔會浪費任何一滴壽喜燒汁☺️💁🏻♀️美國頂級牛頸脊＋岩手縣和牛壽喜燒燉飯 $548原本諗住呢個套餐唔夠食要再加肉，但係原來最尾會有個飯架咼，美國牛同日本牛嘅分別係美國牛主要食肉質同埋肉味，而日本牛就係食油香，兩款牛嚟講咁就當然岩手軟縣和牛嘅肉質同香氣勝出啦，不過個頂級牛頸脊其實好軟嫩，配上壽喜燒汁嘅味道就更加濃郁，兩款牛肉都好好味，店員會喺我哋面前幫我哋將牛肉燒至五成熟，我哋真係坐定定喺度食就得啦，另外蔬菜拼盤入面嘅娃娃菜同洋蔥都超級嗦汁，另外豆腐同埋冬菇等食材都非常配合壽喜燒嗰種甜甜嘅醬汁一齊食，整體嚟講令人開胃同滿足🔹松露薯條套餐入面可以選擇兩款小食，黑松露薯條可以話係必點嘅item，佢係用咗我最喜歡嘅幼薯條，上面放滿芝士碎，再可以點買黑松露沙律醬
話說呢一間日式餐廳我一直都好想嚟試㗎啦，因為佢性價比超高，裝修好有日本風，場內仲有不少懷舊嘅玩具同埋燈牌，播住日本歌勁有氣氛🥰
近排見到好多人都介紹佢哋嘅壽喜燒鍋套餐，一個鍋食加兩款小食再加個刺身拼盤都只係四百幾蚊😏如果想食豪少少加多$50就可以轉做美國頂級牛頸脊+岩手縣和牛壽喜燒，最尾仲會有個白汁燉飯俾你做結尾，完全唔會浪費任何一滴壽喜燒汁☺️
💁🏻♀️美國頂級牛頸脊＋岩手縣和牛壽喜燒燉飯 $548
原本諗住呢個套餐唔夠食要再加肉，但係原來最尾會有個飯架咼，美國牛同日本牛嘅分別係美國牛主要食肉質同埋肉味，而日本牛就係食油香，兩款牛嚟講咁就當然岩手軟縣和牛嘅肉質同香氣勝出啦，不過個頂級牛頸脊其實好軟嫩，配上壽喜燒汁嘅味道就更加濃郁，兩款牛肉都好好味，店員會喺我哋面前幫我哋將牛肉燒至五成熟，我哋真係坐定定喺度食就得啦，另外蔬菜拼盤入面嘅娃娃菜同洋蔥都超級嗦汁，另外豆腐同埋冬菇等食材都非常配合壽喜燒嗰種甜甜嘅醬汁一齊食，整體嚟講令人開胃同滿足🔹松露薯條
套餐入面可以選擇兩款小食，黑松露薯條可以話係必點嘅item，佢係用咗我最喜歡嘅幼薯條，上面放滿芝士碎，再可以點買黑松露沙律醬，個醬汁都係我喜歡嘅東西，非常之香松露嘅味道👍🏻送酒一流🔹明太子玉子燒
呢一個明太子玉子燒都好好食㗎，上面嘅明太子醬鹹鹹地配上甜甜嘅玉子，味道又咸又甜感超級開胃，仲有好多蟹籽喺度增加口感，怪得知咁多人推介
🔹刺身拼盤
刺身拼盤同埋串燒拼盤之間已揀一，我哋就選擇咗冇咁熱氣嘅刺身，上面有三文魚、鱲魚、帶子同甜蝦，三文魚同臘魚就成日都食到啦，反而甜蝦都幾大隻，味道鮮甜；帶子嘅味道都唔錯，軟糯香甜，配埋青檸汁食都幾清新
💁🏻♀️開心果牛奶加開心果雪糕 $43
估唔到呢度都有我最鍾意嘅開心果，開心果醬係用咗綠色好似鬼口水嗰一款，可以選擇配牛奶或者椰奶，我就覺得配牛奶加雪糕就最好不過🤓個開心果醬味道濃郁，我覺得仲濃郁過個開心果雪糕嘅味道，個雪糕偏向奶味多啲，反而杯牛奶入面嘅果仁醬味道超出👍🏻👍🏻
💁🏻♀️Highball $58
去居酒屋又點可以唔飲酒呢？試咗佢哋呢度嘅Highball🤭調得有點濃郁，其實都幾抵飲😆不過嗰日我揸車冇得飲酒，偷偷地啜咗兩啖都已經覺得好滿足啦😏睇嚟餐廳落酒都幾重手👍🏻作為酒鬼嘅我當然Welcome啦
Post
