麵屋常勝

Open Now

Now Closed

星期六去觀塘攞衫, 約左朋友去左東廣場食拉麵。店鋪面積不大, 但牆身貼左好多日本貼紙, 也擺放著日本玩具, 令我回憶起去日本拉麵店既時光。門外也有遊戲機俾等候既客人打機。我哋叫左龍蝦湯拉麵, 佢既湯底濃郁鮮甜, 有好濃蝦味, 飲落去無加味精, 係店鋪用心製作。我哋去到見好多檯客人都有叫呢款龍蝦湯拉面。另外, 我哋亦叫左幾款炸物, 炸蠔炸得好酥脆, 炸魷魚鬚份量十足, 食落也十分彈牙。飲品揀左日本波子汽水, 好有懷舊feel。餐廳可以加錢叫套餐, 十分抵食, 性價比高。如果鐘意食拉麵, 可以去呢間試下, 對比起連鎖拉麵店, 佢既味道更好。