麵屋常勝

Open Now

Now Closed

今日去咗觀塘嘅麵屋常勝食拉麵，又幾有驚喜裝修好有懷舊日本風首先叫咗佢哋嘅招牌麵 - 極上濃蝦湯叉燒拉麵,仲加埋個糖心蛋。呢個湯頭真係好鮮!飲到好濃郁嘅蝦味，鮮甜中又帶少少鹹香,一啖落肚成個人都暖笠笠。個麵條就彈牙有嚼勁,配埋個入味叉燒,每啖都係享受！最犀利嗰part係個糖心蛋,蛋白QQ地,蛋黃半熟狀,一戳就流晒出嚟,配埋個湯頭簡直係絕配呀!我朋友叫咗野菜味噌拉麵,都唔錯喎。湯底香濃但唔會太重口,加咗日本海草之後更加清新添。糖心蛋一樣咁出色,我朋友都讚不絕口。套餐嘅炸餃子外皮酥脆,入面多汁,配埋玄米茶真係絕配。講到小食,蟹肉忌廉薯餅真係驚喜!外層金黃酥脆,咬落去滿滿都係蟹肉,濃郁嘅忌廉香味即刻喺個口度爆開,不過小心睇熱滋味雞軟骨調味到位,鹹香中帶少少辣,軟骨又脆又Q彈,越嚼越香吉列豚肉都係一絕,外皮酥脆,入面嘅肉又嫩又多汁,蘸埋特製醬汁簡直係絕配。店員服務態度勁好🥰感受到小店嘅用心

極上濃蝦湯叉燒拉麵 $88加糖心蛋 (都只係) $9 🦐🍜🍳 哇！今日真係遇到一碗令我心掛掛的拉麵！🥰 首先，這碗極上濃蝦湯叉燒拉麵真係超級濃郁，蝦味十足，唔會令人覺得膩！🐙💦 叉燒煎得香脆，肥瘦比例剛剛好，真係好好食，食過一次就停唔到口！😋✨ 加上新鮮的糖心蛋，蛋黃流心，口感滑順，搭配湯底簡直係完美！🍳💖 而且，這個湯底用料講究，完全無味精，健康又美味，廚師是很用心製作！😌🍲 拉麵吸收了濃濃的蝦湯，食到最後，我竟然連湯都飲埋！好過癮！🥳💧 追加 日式炸餃子 $22 🥟🔥 到日式炸餃子，外脆內嫩，口感一流！🥢💥 餃子裡面包著新鮮的肉餡和蔬菜，咬下去時汁液四溢，好味到令人想一口接一口！🤤👍 配上特製的醬汁，真係無法抵擋！🥡✨ 追加波子汽水 🥤💖 日本美食，當然要來一瓶清涼的波子汽水！這款汽水不單止味道清新，還帶有些微的甜味，正好中和了拉麵和餃子的濃郁口感！🍹🥳 😍💫 拉麵迷，千祈唔好錯過！📅💖

今日趁要去觀塘做嘢，就嚟呢間麵屋常勝試下，聽聞佢哋嘅蝦湯拉麵係必試之選。望到師傅喺開放式廚房度專心熬煮蝦湯，個認真嘅表情已經話你知，呢度嘅嘢食絕對唔簡單。行到熱熱地，第一時間叫咗杯冰凍嘅百事生可樂，配埋兩款前菜：日本枝豆同埋滋味雞軟骨。枝豆熱辣辣，輕輕撒上啲日本海鹽，清甜可口一啲都唔死鹹，配飲品最啱。講到雞軟骨，真係令我大開眼界！外皮炸得金黃香脆，咬開嘅時候裡面仲有汁，軟骨位爽而唔會韌，配埋特製醬汁，香濃惹味得嚟又唔會漏氣，食落完全唔會覺得係軟骨咁難食，反而令人愛不釋手。等咗大約10分鐘，終於等到今日嘅主角 - 極尚濃蝦湯叉燒拉麵！一向唔會飲湯既我，碗麵一嚟到，啲香味已經吸引我去飲，個湯底完全冇加味精，純係用新鮮大頭蝦熬足成日，啲蝦油浮喺湯面，金黃透亮，香氣四溢。飲一啖湯已經感受到濃郁嘅蝦鮮味，甜中帶鮮，層次分明，仲有蝦膏嘅香濃回甘，令我諗起日本食拉麵嘅味道。講到麵條，韌度啱啱好，彈牙爽滑，完美吸收咗個湯底嘅精華。叉燒肉肥瘦比例適中，唔會死鹹，配埋個蝦湯簡直就係絕配。最欣賞佢哋啲店員態度親切，仲會細心推介，你有咩食物好食，睇得出佢哋對食物嘅堅持同用心。$88食到呢個水準嘅拉麵，仲要係咁

最近去咗呢間小店「麵屋常勝」，真係好開心！🍜✨ 試咗佢哋嘅2個招牌拉麵極上濃蝦湯叉燒拉麵 🦐🍜呢個蝦湯底佢話係最多人食，見都真係。個湯真係好濃郁，完全唔需要味精，一口完全係俾蝦味cover曬，感覺亦好天然。每一口湯都充滿咗蝦的鮮味，d拉麵吸埋個湯，令人一試成主顧🤣。我仲加配叉燒、京蔥同糖心蛋，叉燒肉質嫩滑入味，油花好好，我食左有6-8片呢～ 京蔥量俾得好足，個種生京蔥嘅清新辛辣味好適合配咁濃的湯底，食極個面都仲可以好enjoy咁食落去，而糖心蛋嘅蛋黃流出，真係好好味！🤤🤤🤤🤤人氣雞白湯叉燒拉麵 🍗🍜另外試咗人氣雞白湯叉燒拉麵，湯底一樣係無味精（佢全部都無味精），雞白湯濃郁香醇，口感滑順，味道非常好！叉燒依然係一流，肉質鮮嫩。叫左套餐炸章魚球，兩粒炸得金黃酥脆，係真係外脆內軟！！😍😍 內裡嘅章魚味道鮮美，食得好滿足！整體而言，「麵屋常勝」嘅拉麵真係值得一試，湯底正，性價比高，仲要免費有機打xd，真係一個好地方！期待下次再嚟試其他味道！（店面size唔大，1900已經坐曬人，不過大家都好識做，食完就會走👍👍👍）

多年不見的老朋友從外國回來，心中充滿期待。我特別帶他去觀塘東廣場的「麵屋常勝」，這是一家廣受好評的拉麵店，讓我們重新找回那份久違的情誼和美味。我點了極上濃蝦湯拉麵（淋麵），價錢$88，湯底鮮美且無添加味精，讓我感受到廚師對食材的用心和對健康的重視。這碗拉麵的蝦湯濃郁，讓人一口接一口，簡直讓人陶醉。搭配日式烤炸餃子和日本波子汽水的套餐，總共$110，性價比相當高，非常值得。朋友則選擇了吉列蝦叉燒濃蝦湯拉麵，這款拉麵是店內最受歡迎的選擇之一，價格$108。濃厚的蝦湯與吉列蝦的搭配，讓他不禁讚嘆，套餐內還有吉列牡蠣和冰底檸檬可樂，讓整餐更加豐富和清新。用心的料理與合理的價格讓我們的聚餐充滿驚喜，食物不僅僅是味道的享受，更是情感的寄託。當我們吃完後，還覺得意猶未盡，於是決定點了店內推薦的滋味分享盤，$78的價格讓我們品嚐到多樣的小食：吉列牡蠣、炸魷魚、吉列炸蝦、炸雞翼和炸雞軟骨，每一口都帶來不同的驚喜，讓我們的聚會更加圓滿。這次的聚餐，不僅讓我們重溫了過去的美好回憶，也在心中留下了深刻的印象。時間雖然流逝，但這份情誼與美味永遠不會改變。在這一餐中，我們感受到的不僅是美食的滿足，更是那份珍貴的友

🍜麵屋常勝 📍今次經過東廣場諗唔到食咩，就揀咁呢間拉麵啦🍜，望落係小店，好有返返去中學嘅回憶💭。🍴N9 - 吉列蝦叉燒濃蝦湯拉麵  $108估唔到咁有驚喜，嗰湯底飲落超濃蝦味🦐，而且吉列蝦炸到好脆🍤。🍴N7 - 人氣雞白湯叉燒拉麵  $88雞白湯同樣對比出邊嘅拉麵舖，一啲都唔輸蝕🐣，同樣地係好濃密同creamy，而且仲有三舊叉燒，最重要嘅係就算飲完成個湯都唔會頸渴。🍴S1 - 滋味分享盤 $78呢個拼盤好豐富，有吉列蝦、炸魷魚🦑、吉列牡蠣🦪、炸雞軟骨同埋芝麻手羽，啱晒選擇困難症嘅人士👍🏻📍 麵屋常勝 (觀塘)觀塘成業街7號東廣場地下G52-53號舖 

呢間拉面算係我頗喜歡的店~佢標榜無味精~食都食得安落DD!同佢的蝦湯真係好岩我口味~加上佢價錢真係好唔錯~抵食!加22$可以有SET同飲品!!極上濃蝦湯叉燒拉麵蝦湯好濃~充滿住鮮味~除左濃濃蝦湯味吸引我之外，佢的叉燒都做得唔錯，好易咬開~赤身豚骨湯叉燒拉面配糖心蛋呢個湯最特色係辣，雖然中意食辣但只可以淺嚐，店員好好咁幫我少辣~炸雞軟骨,炸魷魚鬢炸物都好吸引！！食落脆卜卜！！😆😆仲無油膱味枝豆份量啱啱好～波子汽水仲要係日式版🩷

呢度拉面都係無味精，以其自然的食材和精湛的烹調技術取勝，完全依靠食材本身的鮮美來呈現出純粹的味道。每一口湯都能感受到食材的天然香氣極上濃蝦湯叉燒拉麵拉麵以濃郁的蝦湯為基底，湯頭鮮美濃厚，好濃蝦味!!叉燒肉片肥瘦相間，入口即化，與濃蝦湯的鮮香完美結合麵條吸滿了蝦湯的精華，每一口都充滿了豐富的海鮮風味~人氣雞白湯叉燒拉麵拉麵以濃郁的雞白湯為特色，湯底濃稠而不膩，充滿了雞肉的鮮美和香氣叉燒肉片嫩滑多汁，麵條的 Q 彈口感與湯底的濃郁風味完美融合，每一口都是極致的享受!!滋味分享盤集結了多種美味小吃，一盤就能品嘗到好多種風味。每一樣小吃都精心製作，從酥脆的炸物，每一口都充滿了不同的驚喜和滿足感。分享盤不僅適合與朋友家人一起享用，更是聚會時的絕佳選擇!!

喺東廣場搵緊野食，行過呢間舖頭見入面麵幾多人食，門面店員又話湯底係自己熬製冇味精，本身中意食拉麵嘅我都被吸引到，就決定試下。我地叫咗一碗「極尚濃蝦湯叉燒拉麵」同埋一碗「赤辛麻辣豚骨湯叉燒拉麵」，嚟到望到賣相覺得伏伏地…擺入口第一啖已極失望：… 湯底唔濃都算，好似公仔麵湯底…麵質同我係超市買嘅即食拉麵冇分別…雖然佢一碗拉麵價錢都比較平，埋單兩個人都係$200內，但如果係期望食到好食又比較正宗嘅拉麵，可能要另謀高就…

今次嚟到觀塘東廣場，平日一度食飯時間就係附近打工仔飯堂。一直想試呢間拉麵店，終於趁今日放工時間，冇咁多人嚟試。裝修非常之有日系嘅感覺，仲可以打鋪機添。一於試吓佢兩個招牌拉麵。極尚濃蝦湯拼叉燒拉麵+糖心蛋蝦湯嘅味道非常濃厚，一入口有滿滿嘅蝦味，叉燒肥瘦適中，麵質爽彈人氣雞白湯叉燒拉麵+糖心蛋雞白湯最怕太鹹，呢度嘅味道啱啱好，食完都唔會頸渴，糖心蛋非常入味玄米茶+蜜瓜汽水玄米茶香氣清新，蜜瓜汽水特別，適合小朋友芝麻手羽雞翼炸得香脆，香口吉列牡蠣牡蠣新鮮，一入口熱辣辣，冇腥味總結，係一間性價比非常之高嘅拉麵店，無論打工仔放飯定係晚餐聚會都適合

最近去咗觀塘東廣場的「麵屋常勝✨」，真係好開心可以品嚐佢哋既拉麵！呢間店係我心目中最愛的拉麵店之一，因為香港要搵一碗好味的拉麵真係唔容易。「麵屋常勝」既湯底非常出色，濃郁又入味，喝一口就感覺到滿足。佢哋的叉燒肥瘦適中，咬下去口感好好，搭配上啲彈牙的麵條，真係一流！而且價錢合理，食得又滿足，真係好味又抵食。「極上濃蝦湯叉燒拉麵🍜」，呢碗拉麵的蝦湯味道濃厚，配上叉燒，簡直係完美搭配。 「黑蒜油豚骨湯叉燒拉麵」帶來特別香氣，湯底十分濃郁，絕對值得一試。小食「吉列蝦」外脆內嫩，口感超正，作為小食來講非常不錯。「滋味雞軟骨」咬落去脆脆的，味道亦非常好，令人一口接一口。而「燒章魚丸」鮮味十足，章魚肉質彈牙，十分好味。總括來講，「麵屋常勝」既拉麵真係唔可錯過，無論係拉麵定小食，都有意想不到的驚喜！

一路睇好多好評話必食，然後見到一個寫完全相反嘅評語，於是都係半信半疑去試。坐低填好點餐單叫嘢俾錢先，店員都好友善，不過收銀妹妹搞好耐先落好單，最後都係發現漏咗隻溏心蛋。蛋$8唔係半熟，係未熟，裡面蛋白溶嘅，而且唔係橙黃色蛋黃，成隻蛋有陣好鹹嘅味，但個味又同個拉麵湯唔夾！講返碗麵，份量看似同一般拉麵屋差不多，但竟然用個啱啱好嘅碗嚟裝，湯無法俾多，飲咗一啖湯成碗已經變咗撈麵嘅樣。 平時食辣麵嘅我，第一次食於是叫咗招牌濃蝦湯麵試咗先，聞落去聞得出蝦味，但食落去冇乜，然後越來越重甜番茄味，好似落咗好多茄汁咁(唔係茄膏，茄膏酸啲香啲嘅)，平時食麵會飲幾啖湯今次飲一啖都唔想飲，完全唔係日本拉麵嗰回事！！嗰碗麵唯一可取嘅係嗰三塊叉燒，份量合理，入口即溶。 可惜只為嗰幾塊叉燒的話，都唔夠意欲想响呢間食。第一次試嘅拉麵店，除咗麵，一定會叫煎餃。 呢度得炸餃子，都試吓吧。 但佢個樣，一睇就覺得硬，食落口真係好硬，皮好厚，仲好似翻炸咁。最後講樓面，店唔大，坐嘅位都好open(伸咗出舖外)，但唔明小小的bar枱點解要放個遊戲機响度，啲細路企响隔離，你一路食嘢佢一路响旁邊拍打部機喧嘩，張枱仲要係連住震嘅，真係唔

唔知大家一般對奇怪既事會點應對？我以前選擇麻醉自己。我係香港成日食拉麵，都遇到份量好少既情況。我話比自己聽，麵少因為义燒靚，义燒少因為想你集中試個湯，湯冇咩味係因為少味精。依家唔會啦，直接揾間好既，食好野好過食麻醉藥！ 🍖份量，超大份，啲麵多到女仔一定食唔晒。另外，無論係野菜定叉燒，都多到爆炸，單講叉燒，一塊已經半個碗咁大，又絕對唔係薄切，真材實料，而且肥瘦均勻，又唔會乾身。講到野菜麵，你會challenge我，又話啲麵好多，張相一條面都見唔到，咁系因為啲料真係鋪天蓋地，椰菜，粟米粒，木耳絲，洋蔥絲，仲要我加咗糖心蛋同埋明太子，真係冇空間見到一條麵，但係信我下面真係好多麵呢！ 🍖配菜一定要講流心蛋，咬落去，蛋黃水汪汪，啷下啷下，真係好有初戀女朋友feel。而且佢係一整粒咁上，可想而知，佢哋已經做到一個境界可以好有信心每一粒都處理得宜。 🍖最後要講吓個湯底，我揀嘅係最多人食嘅蝦湯，如果你飲過佢個湯，你會覺得係真係冇味精同埋熬咗好耐嘅純蝦湯，所以非常鮮甜。素菜麵我就揀咗味噌湯，好配合蔬菜嘅清爽味道。 最後不得不提一定係佢哋嘅設計佈置好懷舊，同埋竟然有街機打，有幫襯嘅人就可以任玩。睇住幾個互

話說最近真係有啲疲累，成日覺得需要搵啲好食物嚟慰勞自己。就咁，去咗觀塘嘅麵屋常勝，真係唔錯啊！呢間拉麵店主打日式拉麵，湯底濃郁又香醇，豚骨湯同味噌湯都一樣出色。麵條彈牙，煮得啱啱好，配料豐富，有叉燒、半熟溏心蛋同埋海苔，真係一流。店內環境乾淨，有濃厚嘅日本風情。服務員熱情，服務周到，點餐時亦會俾啲好建議。除咗拉麵，佢哋嘅炸雞塊同日式餃子都好抵食。總括嚟講，麵屋常勝係一間值得推薦嘅拉麵店，無論同朋友聚餐定自己一個人去都好啱。 🍜😋

東廣場開咗唔少餐廳，今日試咗一間充滿懷舊風格嘅拉麵舖，裏面標榜食拉麵免費打機🤣入去嘅時候坐滿咗人，職員即刻開一張枱凳俾我哋坐，服務唔錯，但係就坐得比較迫🥲嘢食方面，叫咗兩個拉麵、兩個小食同兩罐嘢飲，水準之上✨人氣雞白湯拉麵✨先講湯底，雞白湯係飲得出有用心整嘅，飲哂成碗都唔口渴。叉燒都煮得軟腍，幾有肉味。最欣賞係隻流心蛋，整得啱啱好😌✨人氣濃蝦湯拉麵✨朋友就叫咗呢款拉麵，一飲落去好重蝦味，應該落咗好多蝦頭落去煲😃個人比較欣賞呢款拉麵✨吉列炸蠔✨呢碟小食好多水準，外脆內軟，炸得好酥脆，咬落去爆汁，食完一舊即刻想食第二舊🤣✨酥炸魷魚鬚✨呢款小食就比較失色，啲魷魚鬚炸得比較硬，唔係好脆🥲不過，總體嚟講，都十分唔錯既一間拉麵舖😀