神山麺屋 (創紀之城五期(apm))

Open Now

Now Closed

🍜神山豚燒叉燒沾汁麵一定要食馳名日•港嘅神山沾汁麵，其自家秘製豚骨及魚介雙湯頭沾汁，令每啖沾麵都有濃郁豚骨湯頭精華，而且口感層次豐富，膠原蛋白滿滿令掛湯張力十足。另外豚燒叉燒入味非常，外層燒至非常香口，肉味濃，餸麵正。沾汁麵麵質較軟身，唔係好彈牙，但有坑紋幫助掛沾汁，好特別嘅食感。🍜黑神山豚角拉麵*追加低溫叉燒黑蒜油上湯濃郁又熱辣辣，豬骨味非常香濃，拉麵彈牙爽滑。而豚角同樣係必食item，梅花肉慢煮至油膩感全消，加上秘製醬汁浸泡及烤煮外層，醬油及焦香味滿分，而且肉質唔會嚡熠熠，夾層嘅膠原蛋白非常順口。🍎和風蘋果沙律畢竟兩款麵都較濃味，所以食個和風蘋果沙律清新一下，日本蘋果香甜又爽囗，清肥膩感一流。👅兩色牛舌有蕃茄煮牛舌熱食及胡椒汁凍食，熱食牛舌有多點口感，比較彈牙，凍食就較軟淋，牛舌香味較出。🍇 巨峰梳打，蘋果焙茶推介支裝巨峰梳打，清新夠bubbles ；蘋果焙茶就，清香解脂！