Video
Read full review
2013-03-05
42 views
恒豐中心地庫Ramen Champion 早已經開了幾個月，今晚練完舞，終於想起了這個晚餐的選擇，就試一試。入口處有員工給你一張食物記帳咭，用意可以方便各食客到不同的拉麵店點菜，食完餐後才到出口交出食物記帳咭結賬找數；而裏面，其實就像一個Food Court，客人隨意自由攞位。呢到總共有六間係日本不同地區拉麵進駐，令客人眼花撩亂，都唔知點揀！ 而各店嘅拉麵師傅或店員都會落力推介給食客，非常熱鬧。我行了一個圈，終於受到無双嘅店員嘅推介，咁就嘗試吧！就試佢哋嘅無双特制拉麵及煎餃。落訂後，店員就俾你張食物落單及取食物響鬧通知，當食物預備好，食物響鬧通知就會發出"BB"聲响及閃燈通知客人取餐。店員聲稱湯底包含鷄及豬骨湯，喝一口，湯並不過鹹，有些少鮮味但並不濃烈比較淡，我反而喜歡純豬骨湯底由比較濃厚，所以要加多些蒜蓉來增加濃味；另外湯裏面都有唔少油脂，但碗內有很多的芽菜及大葱絲係麵上，吸收了油脂，而芽菜清爽，大葱絲爽甜唔嗆喉，真不錯。叉燒有咬口但入口幼滑，連叉燒邊的肥肉亦入口溶化，一啲都唔漏，真不錯 但味道比較淡口，如果用濃醬油來煮叉燒，我想會更加入味。麵條並不我預期咁彈牙，不過食落都算煙韌及
入口處有員工給你一張食物記帳咭，用意可以方便各食客到不同的拉麵店點菜，食完餐後才到出口交出食物記帳咭結賬找數；而裏面，其實就像一個Food Court，客人隨意自由攞位。呢到總共有六間係日本不同地區拉麵進駐，令客人眼花撩亂，都唔知點揀！ 而各店嘅拉麵師傅或店員都會落力推介給食客，非常熱鬧。
我行了一個圈，終於受到無双嘅店員嘅推介，咁就嘗試吧！就試佢哋嘅無双特制拉麵及煎餃。
落訂後，店員就俾你張食物落單及取食物響鬧通知，當食物預備好，食物響鬧通知就會發出"BB"聲响及閃燈通知客人取餐。
店員聲稱湯底包含鷄及豬骨湯，喝一口，湯並不過鹹，有些少鮮味但並不濃烈比較淡，我反而喜歡純豬骨湯底由比較濃厚，所以要加多些蒜蓉來增加濃味；另外湯裏面都有唔少油脂，但碗內有很多的芽菜及大葱絲係麵上，吸收了油脂，而芽菜清爽，大葱絲爽甜唔嗆喉，真不錯。叉燒有咬口但入口幼滑，連叉燒邊的肥肉亦入口溶化，一啲都唔漏，真不錯 但味道比較淡口，如果用濃醬油來煮叉燒，我想會更加入味。麵條並不我預期咁彈牙，不過食落都算煙韌及麵嘅鬈度都可以將湯掛在麵上；不過最失手就係温泉蛋，蛋黃未能造出流心，煮得過熟，但蛋味都唔錯很好味。綜合整體而言，味道其實都唔差，應該會有更進步的空間。
煎餃非常有水準，造得皮薄及餃子底都煎得脆口，餃子餡加入唔少嘅椰菜，攪爛後混合免治豬肉，食落一啲都唔肥腻嘅感覺；因個人口味問題，食落餡料味道比較帶甜，我反而喜歡帶鹹味多一些，不過整體已經很不錯。
Other Info. :
有機會都會試其餘五間嘅拉麵店。
(The above review is the personal opinion of a user which does not represent OpenRice's point of view.)
Post
