Video
Read full review
2018-03-07
417 views
今晚大概9點幾嚟到尖沙咀，同朋友食個快但唔hea 嘅晚飯，因為突然好想食咖哩，所以就選擇了「CoCo壹番屋」。這𥚃離地鐵站約5至10分鐘路程，喺新港中心靠海防道那一邊嘅入口，有條電梯上3樓就可以直達餐廳門口，所以地點非常方便又易搵到。餐廳環境係以黃光燈配以油木地板，方形嘅大木枱配以有椅背嘅舒服櫈，或者卡位配以梳化，感覺一切都係柔和而舒服。喺牆身佢哋寫有餐廳嘅座右銘：Smile，Prompt work，Fresh service，從而令到食客滿意。好少會見到餐廳將自己嘅座右銘放喺餐廳裏面，咁就可以時刻提醒侍應保持服務質素之餘，亦都可以比食客知道同了解餐廳更多，呢個餐廳設計嘅部份，有著一石二鳥嘅作用👍🏽Menu 雖然薄薄，但內有乾坤😅首先，你可以揀選食乜先，這裡主要食咖哩，無論紅肉（例如豬、牛）、白肉（例如雞、海鮮）甚至素菜（茄子、菠菜，連出面餐廳比較少見嘅食材：納豆、秋葵都有）；之後飯量同辣度都有得按著個人喜好而選擇；你仲可以加toppings - 有接近40款供選擇。之外，還可以選配餐湯/沙律/餐飲/雪糕。今晚我就選擇左食秋葵豆腐咖喱蛋包飯，蛋包飯嗰啲蛋好滑好creamy，秋葵配豆腐係
這𥚃離地鐵站約5至10分鐘路程，喺新港中心靠海防道那一邊嘅入口，有條電梯上3樓就可以直達餐廳門口，所以地點非常方便又易搵到。
餐廳環境係以黃光燈配以油木地板，方形嘅大木枱配以有椅背嘅舒服櫈，或者卡位配以梳化，感覺一切都係柔和而舒服。
喺牆身佢哋寫有餐廳嘅座右銘：Smile，Prompt work，Fresh service，從而令到食客滿意。好少會見到餐廳將自己嘅座右銘放喺餐廳裏面，咁就可以時刻提醒侍應保持服務質素之餘，亦都可以比食客知道同了解餐廳更多，呢個餐廳設計嘅部份，有著一石二鳥嘅作用👍🏽
Menu 雖然薄薄，但內有乾坤😅
首先，你可以揀選食乜先，這裡主要食咖哩，無論紅肉（例如豬、牛）、白肉（例如雞、海鮮）甚至素菜（茄子、菠菜，連出面餐廳比較少見嘅食材：納豆、秋葵都有）；之後飯量同辣度都有得按著個人喜好而選擇；你仲可以加toppings - 有接近40款供選擇。
之外，還可以選配餐湯/沙律/餐飲/雪糕。
今晚我就選擇左食秋葵豆腐咖喱蛋包飯，蛋包飯嗰啲蛋好滑好creamy，秋葵配豆腐係外邊餐廳好小機會食到呢個配搭，呀~！意外地好食👍🏽
雪糕絕對唔hea 嫁，雖然只有曲奇妙脆口味，但佢用威化餅作點綴，雪糕底還有穀物脆脆增加口感嘅豐富度！正呀🤩
Post
