石澗日本料理 (Closed)

今次試團購唔算好伏，但有反省，同大家分享下。朋友提議買呢個團購，團購介紹寫到好吸引咁，話酒店級日式放題，諗住平平地試下。野食一般啦，款式選擇唔算多，味道都係咁啦。前後兩碟刺身，有少少求奇，剛送上黎係OK新鮮嘅，刺身都幾厚切。但因為無冰底，刺身好快玩完。半個鐘之後發生咩事，唔洗多講。前後3 Round壽司都係OK嘅，一口大小易入口。軍艦、鰻魚壽司同花之戀都係唔錯嘅，特別鍾意鰻魚芝士卷。團購客送嘅一人一件鵝肝多士，個人唔食鵝肝，但多士係幾脆幾好味嘅。鹽燒雞軟骨正常，但部份燒得太燶，帶苦味。雞翼又係燶嘅...羊架都係燶嘅...一口牛，算係比較好嘅出品，牛肉唔乾，OK!鹽燒牛舌配黑椒，不錯吃。凍豆腐、炸生蠔、厚燒玉子正常同行嘅變態人狂叫炸物，真係唔怕食到喉嚨痛，我只敢少試。天婦羅蝦、蟹柳正常。忌廉薯餅唔錯，夠忌廉。一口芝士粒又幾好味喎，忌廉芝士炸左佢外脆內軟。最愛嘅芝士年糕，煙韌年糕配爆漿芝士餡。香芋栗子餅又幾好食，幾香甜，有粒粒栗子，呢個有驚喜。團購客每人送一杯哈根大師，揀左最愛嘅士多啤梨味，呢個係全場嘅MVP。整體黎講，野食係正常啦，壽司算唔錯，係燒野唔太掂，件件都燒燶。正價唔建議，有團購