睿居酒屋 (Closed)

相約朋友到睿居酒屋食晚餐，試咗唔少嘢食。枝豆呢個前菜夠爽甜。話說我勁蠢，前排仲以為啲皮都食得但咬唔爛。鱈魚魚干 $68鱈魚夠乾身又夠脆，食完有種日本居酒屋嘅感覺。雞肉大蔥 $38蔥夠清爽，雞肉夠嫩滑。白鱔 $68朋友中意食嘅鱔，有得點蛋漿食更滋味。蟹子忌廉芝士沙律 $108本身諗住食個健康嘅沙律，但係揀咗個有芝士嘅。雖然落芝士肥胖，但係好味！雜錦天婦羅 $288天婦羅擺盤好靚，隻蝦勁靚勁吸引。炸得好脆，蝦食落好都好新鮮。仲有勁多蔬菜，南瓜同茄子都好好食。上雜錦壽司拼盤 $388 又係雜錦，呢個有八款精選壽司，我最鍾意食甜蝦壽司，北寄貝同帆立貝都好鮮甜。甜品超甜嘅蜜瓜同埋蛋糕俾我地食，真係賺晒。蛋糕個頂似焦糖布甸，個底有啲糖，但都唔夠朋友咁甜美！借遮 人蠢，拎咗把遮出嚟都唔記得帶出街，打算返到學校拎雨褸走又唔記得。咁啱朋友又冇帶遮，我本身諗住又要喺朦朧夜雨裡淋十五分鐘雨（瀟灑），店員好好人借咗把遮俾我哋。