Video
Read full review
2019-01-25
172 views
去荃灣打邊爐一定非大鴻輝中心莫屬啦，最近嗰度新開咗間相馬日式火鍋喺21樓，梗係要去試下啦。一入到去已經仿如去咗日本咁，店員熱情嘅款待，非常有禮貌，我哋坐低之後，店員好耐心咁介紹每款湯底同埋每款肉嘅選擇。呢度都有好多款湯底，清湯、甜豉油、豚骨🐖、中華辣湯、蕃茄🍅、泡菜、牛乳🐄、山盛香菜鍋、赤辣豚骨湯底、鍾意食蠔就必點嘅廣島蠔土手鍋、黑蒜豚骨湯底同埋日本福崗十大必吃美食-牛腸鍋🐂。咁多款心思思，真係好難揀，不過唔緊要，呢度可以加錢嗌鴛鴦鍋🥘，咁我哋揀咗個黑蒜豚骨湯底同埋好難得先食到嘅日本福崗牛腸鍋。牛肉🐂選擇方面有4款，價錢都有唔同，最普通嘅有美國進口牛肉，跟住係美國特選牛肉、美國頂級牛小排同埋特上澳洲和牛。我哋揀咗第三級別嘅美國頂級牛小排，仲有埋海鮮放題(蠔、蝦🦐、帶子)添。另外仲會包埋豚肉同雞肉🐔，如果想升級食日本鹿兒島頂級黑豚，加少少錢就食到。美國頂級牛小排好香牛味，雪花紋排列整齊，店員好細心比咗兩款我地，一款肥啲，一款瘦啲，正呀！可以試晒兩個口感。呢度嘅牛腸鍋味道同之前喺福崗食嘅一樣咁好味，難得難得。湯底帶有少少微辣，非常醒胃，配料有大量韭菜、芽菜、乾辣椒等， 味道有啲似胡椒豬肚湯
去荃灣打邊爐一定非大鴻輝中心莫屬啦，最近嗰度新開咗間相馬日式火鍋喺21樓，梗係要去試下啦。
一入到去已經仿如去咗日本咁，店員熱情嘅款待，非常有禮貌，我哋坐低之後，店員好耐心咁介紹每款湯底同埋每款肉嘅選擇。
呢度都有好多款湯底，清湯、甜豉油、豚骨🐖、中華辣湯、蕃茄🍅、泡菜、牛乳🐄、山盛香菜鍋、赤辣豚骨湯底、鍾意食蠔就必點嘅廣島蠔土手鍋、黑蒜豚骨湯底同埋日本福崗十大必吃美食-牛腸鍋🐂。咁多款心思思，真係好難揀，不過唔緊要，呢度可以加錢嗌鴛鴦鍋🥘，咁我哋揀咗個黑蒜豚骨湯底同埋好難得先食到嘅日本福崗牛腸鍋。
雞肉
6 views
0 likes
0 comments
豚肉
4 views
0 likes
0 comments
牛肉🐂選擇方面有4款，價錢都有唔同，最普通嘅有美國進口牛肉，跟住係美國特選牛肉、美國頂級牛小排同埋特上澳洲和牛。我哋揀咗第三級別嘅美國頂級牛小排，仲有埋海鮮放題(蠔、蝦🦐、帶子)添。另外仲會包埋豚肉同雞肉🐔，如果想升級食日本鹿兒島頂級黑豚，加少少錢就食到。
美國頂級牛小排
14 views
0 likes
0 comments
美國頂級牛小排好香牛味，雪花紋排列整齊，店員好細心比咗兩款我地，一款肥啲，一款瘦啲，正呀！可以試晒兩個口感。
呢度嘅牛腸鍋味道同之前喺福崗食嘅一樣咁好味，難得難得。湯底帶有少少微辣，非常醒胃，配料有大量韭菜、芽菜、乾辣椒等， 味道有啲似胡椒豬肚湯嘅味。另一個湯底我哋揀咗平時比較少見嘅黑蒜豚骨湯底，豚骨湯底就試得多，黑蒜豚骨湯底就真係未試過，佢嘅黑蒜油味都重，味道好香好濃。
海鮮放題
20 views
0 likes
0 comments
海鮮放題嘅蠔、帶子同埋蝦🦐，全部都好新鮮，啲蠔亦都夠晒肥美。
出面嘅自助吧仲有各式各種嘅蔬菜🌽🥒🥕、丸類🍢🍡。飲品嘅選擇都唔少，除咗一般汽水之外，仲有啲比較特式嘅韓國罐裝飲品。
MILK TOP雪糕
10 views
0 likes
0 comments
大家食完肉記得要留肚，因為仲有雪糕甜品添，呢度嘅雪糕全部都採用MILK TOP雪糕品牌🍨🍧，相當唔簡單，仲有4隻味選擇，北海道牛奶🥛、芝麻、特濃朱古力同埋抹茶，有食開MILK TOP雪糕嘅朋友都應該知， MILK TOP係採用100%北海道出產之日高3.6牛乳🐄作為原材料，所以啲雪糕特別香滑，北海道牛奶味嘅奶味應該係最出，芝麻味同抹茶味都好濃嘅芝麻香同抹茶香，不過我至愛都係特濃朱古力🍫，微微dark chocolate嘅味道，再加上超多嘅朱古力碎，口感相當豐富，真係超好味！
呢度除咗食物質素有保證之外，最impress真係佢哋嘅service，無得頂，宜家除咗酒店之外，真係好少餐廳會有咁好嘅service，個個店員都笑面迎人，又好好禮貌，照顧週到，下次一定要再嚟幫襯呀。
Post
