Video
Read full review
2021-03-17
85 views
尖沙咀有間居酒屋叫做「博多·爐端燒」。招牌寫住「博多よかろうもん」。原來「よかろうもん」係博多方言，解作很好吧/不好嗎。餐廳確實有日本師傅坐鎮，用方言做店名變得好自然。餐廳每日有十幾款萬菜（おばんざい）。 細細碟嘅菜餚，無論作前菜抑或係下酒菜都好合適。今次試咗九款，當中以🧀胡麻芝士豆腐（$68）最令人回味。入口似平時凍食嘅豆腐，但會有淡淡嘅芝士味滲出嚟，而口感則似香滑嘅cheese cake。另一款較推介嘅係🌽白粟米土佐酢（$48）。白粟米嘅清甜加上土佐醋嘅酸味，味道變得好溫和，仲好開胃。食萬菜食到差唔多，燒海鮮開始上枱。值得一提嘅係唔少魚類都經過aging，味道變得更濃郁。鰈魚一夜干（$58）加入甜味醬汁燒製，魚肉變得香甜多汁。蕾魚天日干（$58）經過簡單鹽燒，香脆可口。🦪唐泊燒惠比須蠔（$70）係一款由福岡縣唐泊港直送嘅得獎蠔。蠔肉飽滿大隻，有好重海水味。琵琶蝦（$238）味道鮮甜，肉質結實彈牙，食得出好新鮮。雖然爐端燒以海鮮為主，但亦有其他選擇。極上和牛牛舌（$198）選用牛舌芯，肉質嫩滑軟身又帶有彈性，配埋辣味噌特別惹味。大蔥（$48）味道清甜，燒得好香。我哋仲試咗🧀芝士燒飯團
餐廳每日有十幾款萬菜（おばんざい）。 細細碟嘅菜餚，無論作前菜抑或係下酒菜都好合適。今次試咗九款，當中以🧀胡麻芝士豆腐（$68）最令人回味。入口似平時凍食嘅豆腐，但會有淡淡嘅芝士味滲出嚟，而口感則似香滑嘅cheese cake。另一款較推介嘅係🌽白粟米土佐酢（$48）。白粟米嘅清甜加上土佐醋嘅酸味，味道變得好溫和，仲好開胃。
食萬菜食到差唔多，燒海鮮開始上枱。值得一提嘅係唔少魚類都經過aging，味道變得更濃郁。鰈魚一夜干（$58）加入甜味醬汁燒製，魚肉變得香甜多汁。蕾魚天日干（$58）經過簡單鹽燒，香脆可口。🦪唐泊燒惠比須蠔（$70）係一款由福岡縣唐泊港直送嘅得獎蠔。蠔肉飽滿大隻，有好重海水味。琵琶蝦（$238）味道鮮甜，肉質結實彈牙，食得出好新鮮。
雖然爐端燒以海鮮為主，但亦有其他選擇。極上和牛牛舌（$198）選用牛舌芯，肉質嫩滑軟身又帶有彈性，配埋辣味噌特別惹味。大蔥（$48）味道清甜，燒得好香。我哋仲試咗🧀芝士燒飯團（$38）同埋滑🍙金菇燒飯團（$38）。白飯燒得帶焦香，金菇以醬汁煮過，香甜美味。
🍮天神布甸（$48）蛋香味好重，質地比一般雞蛋布丁有彈性。🍵星野村布甸（$48）採用福岡八女茶，味道甘甜。
是日品嚐嘅九款萬菜：
博多海帶蒟蒻條$38
茄子揚煮$38
南瓜紅豆煮$38
金平根菜$38
宮崎菠菜與茸御浸$48
長芋魚肉沙律$48
白粟米土佐酢$48
雞胸軟骨南蠻漬$48
胡麻芝士豆腐$68
Post
