日本料理とん勝 (Closed)

又一日辛苦工作過後，喺尖沙咀唔知食乜好，本想自己一個搵個地方飲杯悶酒，但剛巧經過赫德道，又見到呢間存在左好耐，而又一次都未試過嘅日本吉列豬餐廳，既然冇乜地方想去，就去撞下彩試一試。隱蔽入口落樓梯之後就入到餐廳裏面，地方唔算好大，但差不多每枱都坐滿人，仲要有七成以上都係日本人！氣氛十足去左日本咁👍🏼我人丁單薄，都淨係試左個鹿兒島特產黑豚肉豬扒定食。定食黎到第一件事梗係磨芝麻先！即磨芝麻加上吉列燒汁黎點，先係正宗食法！塊豬扒炸得唔錯，炸皮唔會太厚之餘，豬扒多汁都幾腍。飯當然係珍珠米，茶碗蒸亦足料夠滑，吸物都好味！下次可以再黎試下其他佐酒料理！