麺屋武蔵 (MOKO新世紀廣場) (Closed)

今日諗住同幾個分別住九龍/新界嘅朋友出嚟食飯，又想坐得舒服，又要交通方便，最後決定去旺角新世紀廣場麵屋武藏。我哋三個人，每人叫咗一款，今晚6:00左右去到，唔使等位就入得，大家都話想試吓D濃湯，決定叫黑沾汁麵$79加咗半隻半熟玉子$10和筍$8（把麵沾上濃湯先食又幾特別）、黑武骨豬角煮拉麵$79（湯嘅蒜頭味唔係太重，不過湯就比較油，如果怕油建議選擇白武士）、明太子玉子丼$42（蛋又滑又香，飯就加咗燒汁，都幾好味）。