炭家 (Closed)

去日本嘅時候食過即劏即燒嘅炭燒鰻魚飯，風味十足，一試難忘！估唔到原來香港都有得食呀～餐廳由日本師傅主理，除咗鰻魚菜式之外，仲有提供各類型嘅日式菜式。不得不提嘅仲有餐廳服務水平超高，每一個員工都超熱心！令食客賓至如歸，真係好似去咗日本咁樣🇯🇵鰻魚重$420可選擇蒲燒或白燒鰻魚，我就揀咗蒲燒，燒汁甜甜地好惹味！另外仲配配有茶碗蒸、小鉢、日式清湯及白飯。鰻魚即刻炭燒出來，散發微微炭香味，外皮脆，肉質軟又唔會散，無腥味。落埋山椒粉就更加惹味！豚肉角煮$180豚肉加埋蘿蔔、荷蘭豆、香菇，滿滿一大碗分量超多！索晒啲甜甜地嘅醬汁好入味。淡路洋蔥串$40必食之選❤️我本來係唔鍾意食洋蔥嘅，但係呢個洋蔥串真係超級無敵甜！未食過咁甜嘅洋蔥啊🧅鰻魚厚燒玉子$150玉子蛋香十足而且夠晒滑溜，中間仲要包住鰻魚添～和牛串$140肥瘦適中，牛味濃郁，好香口。雞胸肉紫蘇卷$50健康之選，紫蘇葉味道好出～豚肉蘆筍卷$50豚肉包住蘆筍，呢個組合係絕配！好惹味白燒鰻魚串$110皮脆肉嫩，我都係第一次食白燒，冇燒汁都一樣咁香～鰻魚肝串$150口感有少少似雞肝，味道有少少甘～幾特別。