日本雪糕物語 (金馬倫道) (Closed)

雖然應該減肥，但做野做到太攰要氹下自己。星期五晚食完晚餐，拿拿臨走去金馬倫道嘅日本雪糕物語，希望趕喺佢關門前食到我恨左好耐，對上一次喺大阪機場食過之後令我念念不忘嘅Cremia雪糕！見到有香港限定嘅榴連味，當然要試試。一淡食落去首先係食到雪糕上面嘅榴連粉同香濃嘅牛奶雪糕，兩者嘅味道好夾👍🏻雪糕嘅濃郁奶滑口感同印象中大阪食嘅口感無異（奶香勁過3.6牛乳好多），而個雪糕筒同日本一樣質地類似白之戀人餅乾，令我好感動。可惜嘅係，由於榴連粉只係灑上面，所以只係頭幾啖食到榴連味，之後淨番得番牛奶味。要吾要加幾蚊食朱古力/綠茶/咸蛋黃/榴連味粉就悉隨尊便啦同場加映白桃/士多啤梨/海膽味雪糕，不過並非Cremia,有興趣可一試