道北工房 (Moved) New Location

日本料理款式多，今日同朋友兩個人嚟天后呢間道北工房食野，樓高兩層，二樓先係餐廳，如果約咗老人家嚟就要留意喇～一坐低，嗌返件生蠔過下癮，店家推薦日本生蠔，細細隻但好肥美，仲有好fresh嘅海水鹹香，餐廳有小叉提供，好貼心。除咗生蠔，仲有好肥美嘅原板特大海膽！平時都好少食海膽，朋友介紹下都食咗好多件，店員話呢批海膽來自秘魯，肉質鮮甜肥美，入口更加有濃濃香味！唔食飯點夠飽，聽講呢度嘅煲仔飯好出名，點都要試下！揀咗日本極黑豚肉京蔥煲仔飯，同港底醬油味唔同，黑豚肉咬落香甜，啲飯仲落咗啲黑椒，好惹味呀！