釜之魂釜飯專門店 (淘大商場) (Closed)

好耐無同屋企人一齊出去食返餐飯，今次去嘅係位於九龍灣淘大商場嘅釜之魂釜飯專門店，事緣我爸爸喺奈良食過釜飯後一齊難以忘記佢嘅美味，所以今次就去試試香港可唔可以食返日本嘅味道。喺門口時可以見到一隻熊大派緊傳單，好有諗頭。掀掀menu，發覺入面食物大多數價錢都唔貴，所以我哋都好放肆咁叫咗好多嘢食。首先講吓主角 —— 釜飯。我哋叫咗三個釜飯，分別係金魂蒲燒釜飯贅沢 $118、汁煮豬軟骨釜 $78，以及汁燒牛肉釜 $58。加$18就可以轉套餐，包前菜、麵豉湯同飲品，飲品可以半價轉特飲，我哋三個飯都加錢轉咗套餐。另外加$18可以要埋茶漬飯，咁我哋都點了一份～金魂蒲燒釜飯有分幾款，極 $98、贅沢 $118、特 $88，我哋揀嘅贅沢係最厚肉嘅，個釜飯嚟到嘅時候都不負眾望，鰻魚肉厚，亦燒得稍有焦香，肉質細嫩。雖然無叫到金魂嘅另外兩款，無得比較，但呢個飯完全值$118嘅價錢！抵食！汁煮豬軟骨釜嘅豬軟骨非常入味，又有咬口，個醬汁好惹味，配埋釜飯嘅飯焦一齊食，好味🤤汁燒牛肉釜雖然係三款入面最平，但一啲都唔輸蝕。牛肉內裡仍然係嫩紅色，烹調得剛剛好！牛肉本身嘅調味恰到好處，釜飯較淡味，更加注重肉平身嘅味道，呢個