Cocolo Tokyo Cake Factory (利東街)

Open Now

Now Closed

經過呢度，成日都想試呢間。通常啲蛋糕店，佢哋都會Sell佢哋嘅蛋糕，但係呢一度係蘋果批，好特別，除咗蘋果批之外原來仲有其他批，而我就試咗甜薯批，同一個清新嘅蛋糕。佢有蘋果批， $33 ，都有甜薯批、朱古力批等嘅其他批， $35。仲有蛋糕，都係由日本空運直送過嚟，每件size唔大，作為甜品一份量都岩岩好。佢仲有一個五年保存期嘅蛋糕，都好想試呀。入面都有簡單嘅位置可以坐同叉電。除咗蛋糕之外仲有咖啡㗎。佢仲有其他嘅set，不過我今次淨係買蛋糕同批。（1）甜薯批， $35。你會見到佢嘅酥皮一層層鬆軟脆口，最外圍都係有啲糖粉，個皮其實有啲似蝴蝶酥，裏面嘅甜番薯，係橙色薯，勁香甜。（2）香橙芝士蛋糕， $38 ，賣相非常吸引，外面嘅橙色皮薄薄地，裏面係芝士慕絲嘅輕柔質感，重重嘅芝士忌廉味。食嘅時候，芝士部份好快就熔喺口入面，而你咀嚼嘅時候香橙片就會瀰漫着果香，所以係一個清新嘅蛋糕啊。總括來講，個批同蛋糕係好食嘅嘅，酥嘅份量大大嚿，蛋糕偏細，價錢包日本直送，所以偏貴，但一次半次嘅話，可以試吓。性價比我會畀7/10。