Video
Read full review
2022-01-10
2964 views
一路都想黎支持下造星一呀神開嘅呢間店，估唔到過左咁耐先黎試。今日中午時間過嚟，店舖位於熟食中心入面，店外面環境係會有少少濕立立，而且要上一樓轉去後面先到，難免有點減分。入到店入面通風唔係太好，所以有啲油煙味，不過呢個價錢，真係唔需要要求太多。店舖唔大，所以午餐時間過嚟差唔多坐滿左人，lunch得6款選擇，我地點左兩個餐，等左10分鐘就有，兩樣野賣相都唔差。- 咖喱吉列豬扒定食 $55豬扒唔算鬆軟，個炸皮都唔算鬆化，不過咖喱味唔錯，撈飯食都唔差。- 醬燒豚肉定食 $58坦白講我覺得唔合格，醬燒味唔係好食到，淨係食到咸味同穫燶味，個飯都有點硬。反而個豚肉肥膏口感幾好，但唔建議點呢個。雖然overall食物質素唔算好好，但服務態度好好，同埋呢個價錢真係唔會要求太多。小店勝左有人情味。
一路都想黎支持下造星一呀神開嘅呢間店，估唔到過左咁耐先黎試。今日中午時間過嚟，店舖位於熟食中心入面，店外面環境係會有少少濕立立，而且要上一樓轉去後面先到，難免有點減分。入到店入面通風唔係太好，所以有啲油煙味，不過呢個價錢，真係唔需要要求太多。
店舖唔大，所以午餐時間過嚟差唔多坐滿左人，lunch得6款選擇，我地點左兩個餐，等左10分鐘就有，兩樣野賣相都唔差。
- 咖喱吉列豬扒定食 $55
豬扒唔算鬆軟，個炸皮都唔算鬆化，不過咖喱味唔錯，撈飯食都唔差。
- 醬燒豚肉定食 $58
坦白講我覺得唔合格，醬燒味唔係好食到，淨係食到咸味同穫燶味，個飯都有點硬。反而個豚肉肥膏口感幾好，但唔建議點呢個。
雖然overall食物質素唔算好好，但服務態度好好，同埋呢個價錢真係唔會要求太多。小店勝左有人情味。
Post
