幸福班戟 (Closed)

啱啱開業就食過尖沙咀分店，當時平日都排長龍，即叫即整，又鬆軟又熱辣辣，好好食。所以行街同朋友經過見到銅鑼灣分店，唔洗排隊，就即刻入去食。我哋叫咗一個甜，一個鹹。雖然冇叫後上，但係通常都會上鹹嘅然後再上甜嘅，或者一齊上，呢日就上咗甜先上鹹。如果大家下次叫，可能要比清楚instruction。服務方面，個日餐廳得幾枱客但waiter就有起碼3-4個，斟水自助都可以接受，但攞share plates都自助，又有加一服務費就覺得service麻麻地。跟住就講下食物。