甘味處鎌倉 (屯門市廣場1期)

Open Now

Now Closed

之前入屯門揾朋友，就一齊去咗屯門市廣場嘅【甘味處鎌倉】。我之前去日本旅行時食過，覺得非常高質，朋友又未去過，所以今次特意帶佢一齊去試下。一入去就感受到呢間店嘅氛圍好舒服，整體裝潢都帶有日本風情，令人有種置身於日本嘅感覺。黃豆粉刨冰：因為上次去日本同銅鑼灣分店都未有刨冰，今次趁天氣仲熱就一定要試下。刨冰係用信州深層天然水整成，口感滑順，加上黑糖黃豆粉，食落去有種濃厚嘅味道，感覺就好似食緊刨冰版嘅蕨餅。仲有兩舊蕨餅，增加咗口感，真係非常消暑，非常適合夏天食。抹茶蕨餅加熱手打抹茶：呢個係套餐，需內用。我之前已經試過原味黃豆粉，今次當然要試下抹茶。抹茶粉非常香濃，同時帶有微苦嘅回甘，真係好正。熱手打抹茶同樣香濃，食完蕨餅同刨冰之後飲，簡直係一流。整體來講，今次嘅食體驗非常滿意，朋友都話好想再返嚟！