Video
Read full review
2022-08-25
1513 views
📌 天丼 - 紅磡必嘉街120號黃埔天地百寶坊第3期地下G13號舖🗓(25/8) 星期四 ⏰ 晚上7點左右 🌐網址: https://s.openrice.com/QrbS0wOCB00~ueeoDBA 💈特式：呢間日本起家嘅天婦羅專門店大約4年前已經進駐香港，最近終於開到第4間，位於黃埔呢個好多美食嘅好地方，估計佢應該都可以企得住腳。🥩🍔🌭🌮🥗🥯🥘🍲🍝🍣🥟🍤🍱食物：我以前去日本旅行，都仲會有一餐半餐食天婦羅，而天丼亦係我最常選擇嘅一間，等我講吓香港呢間嘅味道先......穴子海老天丼🍤 - 香港唔係太多地方有穴子天婦羅食，雖然佢無係日本食個時咁好食，但都做得唔錯，唔太油膩，但略嫌上枱時唔夠熱，價值$85。天婦羅蕎麥麵🍤(冷麵) - 佢個冷麵都好大碟，好夠食，味道亦做得比較似日本，天婦羅就係係隻炸蝦最好食，但都係有唔夠熱嘅共通病，價值$82。甲羅🦀天婦羅 - 甲羅燒/天婦羅蟹就見得多，但夾埋一齊就真係未試過，一試就覺得真係冇得頂，佢先用d天婦羅紫菜配埋d蟹膏食，之後仲有配埋一舊飯，用嚟撈埋啲蟹膏一齊食，幾種唔同口味一次試到晒，價值$42，認真抵食又好食。日本糖心蛋🥚天婦羅 -
🗓(25/8) 星期四 ⏰ 晚上7點左右
🌐網址: https://s.openrice.com/QrbS0wOCB00~ueeoDBA
💈特式：呢間日本起家嘅天婦羅專門店大約4年前已經進駐香港，最近終於開到第4間，位於黃埔呢個好多美食嘅好地方，估計佢應該都可以企得住腳。
🥩🍔🌭🌮🥗🥯🥘🍲🍝🍣🥟🍤🍱
食物：我以前去日本旅行，都仲會有一餐半餐食天婦羅，而天丼亦係我最常選擇嘅一間，等我講吓香港呢間嘅味道先......
穴子海老天丼🍤 - 香港唔係太多地方有穴子天婦羅食，雖然佢無係日本食個時咁好食，但都做得唔錯，唔太油膩，但略嫌上枱時唔夠熱，價值$85。
天婦羅蕎麥麵🍤(冷麵) - 佢個冷麵都好大碟，好夠食，味道亦做得比較似日本，天婦羅就係係隻炸蝦最好食，但都係有唔夠熱嘅共通病，價值$82。
甲羅🦀天婦羅 - 甲羅燒/天婦羅蟹就見得多，但夾埋一齊就真係未試過，一試就覺得真係冇得頂，佢先用d天婦羅紫菜配埋d蟹膏食，之後仲有配埋一舊飯，用嚟撈埋啲蟹膏一齊食，幾種唔同口味一次試到晒，價值$42，認真抵食又好食。
日本糖心蛋🥚天婦羅 - 呢個係香港都好少見，糖心蛋炸來做天婦羅，變成天婦羅之後竟然仲有蛋準爆出嚟，直頭係功夫菜，價值$18，完全唔覺得貴。
八爪魚🦑天婦羅 - 呢個本身我無叫，但我見到附近每枱都有叫，所以就追加嚟試下，我就覺得唔係太神，但只係賣$33，就叫嚟試下都不無妨。
☕️🍵🥤🧋🍺🍷🥃🍹🧉🍾🍶🥛
飲品 - 無叫到飲品，餐廳本身有提供麥茶，麥味好香，都幾好飲，佢隻麥茶茶包仲有得買走自己沖嚟飲。
🍽環境：餐廳真係偏細間，枱又唔多，環境都偏窄，所以唔算坐得舒服，枱面範圍亦都細，放咗兩個餐之後根本就冇位放小食或者飲品。
🤵🏻🤵🏻♀️🤵🏻♂️服務：職員服務就真係好好，會同你解釋唔同嘅菜式，亦會話埋比你聽正確食法，有唔用嘅杯碟又會即刻同你收，見我地叫左幾款小食，之後仲送左少少另一款唔同質地嘅八爪魚天婦羅腳比我地試。
💰💸價錢：2個人叫左兩個餐，3個小食，埋單 $286，價錢就有啲貴，但耐唔耐食一次都叫做ok嘅。
🐲💬總結：因為大家好耐都冇去日本，有時真係好懷念日本食物嘅味道，又或者好懷念個種特色，咁時不時去食一次都ok嘅。
推薦指數：❤️❤️❤️❤️🤍
穴子海老天丼
$85
90 views
0 likes
0 comments
天婦羅蕎麥麵(冷麵)
$82
123 views
0 likes
0 comments
甲羅天婦羅
$42
99 views
0 likes
0 comments
甲羅天婦羅
$42
70 views
0 likes
0 comments
日本糖心蛋天婦羅
$18
67 views
0 likes
0 comments
日本糖心蛋天婦羅
$18
82 views
0 likes
0 comments
八爪魚天婦羅
$33
111 views
0 likes
0 comments
Post
