蔦 (Closed)

醬油味玉叉燒拉麵 ($149)評分：7.5/10.註：不收加一服務費銅鑼灣登龍街拉麵店雲集。呢間 「蔦 Tsuta」系日本米其林一星級🌟拉麵店🍲，咁又來頭難得平日去見冇乜人，諗住即管試吓啦～ 落 order 後廚師會係你面前嘅 Open kitchen 準備拉麵。佢哋店嘅拉麵清一色寫晒係菜單上面，冇任何嘢可以自己調節。🤔 但廚師發板嘅湯底味道都唔錯嘅，同麵一齊食岩岩好，就咁飲就鹹啲。😛 因為係醬油湯底關係所以比較濃味。叉燒有四片，正正常常。睇落好瘦但係食落味道唔會好淡。👍 值得一提因為本身湯底加咗香味油 (松露) 真係香到唔系路，但望落就比較油。😐 所以唔用太肥嘅叉燒我覺得係啱嘅。呢隻味玉蛋係我食過流心度最高嘅一隻，比係一般溏心蛋更流心，甜味明顯。🤤 絕對令人想即刻嗌多隻。蔥花亦都唔系用一般最常見嘅個隻青蔥，而係用程式啲嘅日本大蔥，食落味道更加明顯。麵條算係中等粗幼，軟硬度普通。🙆 我就覺得如果都俾番客人按照自己口味選擇麵條軟硬度的話會更加好。呢碗拉麵係好食嘅，但又未吸引到足以令我特登再番去食