爭鮮迴轉壽司 (恆生荃灣大廈)

Open Now

Now Closed

聽朋友講爭鮮香港9月有新搞作，所以同佢一齊去試下。除左食返每次必食既三文魚刺身同仿鮑片小菜外，仲點左油甘魚壽司、帶子壽司及期間限定的雙鮮貝之丼。.油甘魚壽司（$8)油甘魚紅色好吸晴，入口魚味重，肉質嫩滑，吾講吾知，原來油甘魚係日本有"出人頭地"意思，我都要出人頭地呀！帶子壽司（$16)而帶子係日本就有"順風滿帆"意思，想食個好意頭，食佢就最岩。爭鮮帶子壽司啲帶子真係好厚肉，入口新鮮，夠涷，有種冰陣感覺，超有口感，encore 左2碟，哈哈。.雙鮮貝之丼（$16)堂食先有架，上面鋪滿加拿大北寄貝同日本海灣貝，一次過食到2種貝類滋味先$16，超滿足！