漁道樂 (Closed)

實在太懷念日本居酒屋，好彩係香港都可以搵到日本風味。時令秋刀魚刺身最近係秋刀魚當造期，魚特別肥美，油脂豐厚，肉質鮮味，好食！北海道赤崎生蠔 $68/隻，肥美大隻，鮮味十足，海水味比較淡，但不比法國蠔差。味噌蟹甲羅店員會幫你係烤爐上燒，期間香氣不斷湧出，加埋鵪鶉蛋，帶出滿滿蟹膏既濃郁，蟹肉鮮味，滋味非常。龍蝦鍋係寒冷嘅冬天實在令人暖胃，用上原隻新鮮大龍蝦，真係啖啖肉，湯底鮮甜，配菜有金菇、豆腐、娃娃菜等。燒油甘魚頭鮫好大份，油甘魚鮫肉質比三文魚更嫩滑，而且燒得好香脆。另外飲品叫左芒果乳酸同柚子啤酒，兩杯都好好飲。