Video
Read full review
2021-10-06
34 views
今日收工就約左朋友到尖沙咀食晚飯，網上介紹呢間餐廳食物都比較地道所以就約埋朋友去試一試。一去到見到餐廳門面真係好有日本嘅風格，好簡單嘅裝修，已經好突出日本嘅風格，進入餐廳之後店員好快就安排我哋就坐。呢間餐廳最大特色嘅係廚師發板，我哋只需要安靜等待廚師為我哋準備嘅食物，唔需要為點乜嘢食物而煩惱。店員好快就為我哋送上餐前小食，就係燒鱈魚乾同土耳其無花果沙律，鱈魚乾燒得好香脆可口，而配上沙律醬真係每次食日本餐都會想食嘅食物，而個無花果沙律真係好特別，無花果好鮮甜，再配上沙律醬真係好特別，第一次食一個咁清新又咁好味嘅沙律。點完之後又為我地送上另一個小食，就係漬物鯖魚刺身，刺身非常新鮮而且好特別配上左海藻，漬物係一個日本小蕃茄連埋刺身一齊食好鮮甜好惹味。之後開始為我哋送上串燒，第一款串燒就係汁燒南非鮑魚，鮑魚肉質好鮮甜彈牙，燒嘅時間都啱啱好，而且配上餐廳嘅特別調製嘅醬汁令到鮑魚嘅鮮味好突出。跟住店員優惠我哋送上免治雞肉棒，再配上一個溫泉蛋再攪拌佢嘅蛋汁，然之後連埋免治雞肉飯一齊食啖啖嘅雞肉咬入口仲有少少脆骨，口感同味道都一流。之後就下一份燒牛肉再配蘆筍，牛肉肉質好鮮味，而且燒嘅時間啱啱好，亦都好
一去到見到餐廳門面真係好有日本嘅風格，好簡單嘅裝修，已經好突出日本嘅風格，進入餐廳之後店員好快就安排我哋就坐。
呢間餐廳最大特色嘅係廚師發板，我哋只需要安靜等待廚師為我哋準備嘅食物，唔需要為點乜嘢食物而煩惱。
店員好快就為我哋送上餐前小食，就係燒鱈魚乾同土耳其無花果沙律，鱈魚乾燒得好香脆可口，而配上沙律醬真係每次食日本餐都會想食嘅食物，而個無花果沙律真係好特別，無花果好鮮甜，再配上沙律醬真係好特別，第一次食一個咁清新又咁好味嘅沙律。
點完之後又為我地送上另一個小食，就係漬物鯖魚刺身，刺身非常新鮮而且好特別配上左海藻，漬物係一個日本小蕃茄連埋刺身一齊食好鮮甜好惹味。
之後開始為我哋送上串燒，第一款串燒就係汁燒南非鮑魚，鮑魚肉質好鮮甜彈牙，燒嘅時間都啱啱好，而且配上餐廳嘅特別調製嘅醬汁令到鮑魚嘅鮮味好突出。
跟住店員優惠我哋送上免治雞肉棒，再配上一個溫泉蛋再攪拌佢嘅蛋汁，然之後連埋免治雞肉飯一齊食啖啖嘅雞肉咬入口仲有少少脆骨，口感同味道都一流。
之後就下一份燒牛肉再配蘆筍，牛肉肉質好鮮味，而且燒嘅時間啱啱好，亦都好大陣牛嘅鮮味配上蘆筍嘅清新嘅感覺，餐廳亦都配上芥末子醬俾我哋調味。
好快又有下一道嘅串燒，就係火炙拖羅配油揚，廚師將拖羅火炙過後配上炸得好香脆嘅油揚，一啖咬入口仲有脆卜卜嘅感覺，而且有拖羅嘅魚油味。
之後又有一個比較清新嘅串燒，就係燒意大利青瓜配明太子醬，一咬落口有青瓜嘅味道而且配上明太子醬呢種食法好特別，估唔到青瓜配上明太子醬係咁㗎咁好食。
好快又想另一道嘅串燒，就係燒白鰻魚，廚師將鰻魚平燒得好香脆，而且鰻魚肉質好鮮甜，再配上少少醬汁，充分突顯出鰻魚嘅鮮味。
之後有一個好特別嘅串燒，就係燒豚肉配上香港地道嘅大澳蝦醬，未食已經聞到好香嘅蝦醬味道咬落口有豬肉嘅脆口感覺，慢慢就會湧現出淡淡的蝦醬味道係個口腔裏面，第一次喺串燒食到呢種味道好有懷舊嘅感覺。
廚師最後仲為我哋煮咗一碗烏冬，烏冬比較特別係一大塊嘅烏冬麵再配上紫菜，香菇等，入口嘅感覺好似食緊意大利闊條麵咁，感覺好特別。
主菜完我之後廚師仲為我哋準備咗一份甜品，就係燒菠蘿再配上綠茶福餅，菠蘿好甜菠蘿表面亦都染滿糖漿燒得好香脆，之後再食一啖綠茶福餅中和返口腔，個感覺真係好清新。
呢間餐廳真係好俾心機去做每一道菜而且擺盆同食物嘅質素都非常之高，值得向大家推薦。有機會都會再黎食。
Post
