德美壽司

Open Now

Now Closed

朋友係大埔住，推介左一間餐廳比我。一開始睇出面既裝修以為係酒吧，但原來係一間日本餐廳。食完之後，我比較推薦食魚生，佢既魚生係超級新鮮，入口即融。天婦羅烏冬佢有四種天婦羅，有冬菇﹑蝦﹑蕃薯﹑南瓜。我最愛係佢既南瓜，因為咬落D南瓜好甜﹑好冧同埋仍然係好濕潤。唔會話炸到好乾好硬。而烏冬就係甜甜地既昆布湯，配埋佢栗米同昆布真係好正宗既味道。壽司大盛佢大約有10舊魚生壽司同3件小卷。我覺得佢既三文魚﹑吞拿魚同油金魚真係好新鮮，同入口即融。佢飯既軟硬程度合到好處，同埋即使我將壽司咬斷一半，佢完全冇散開，可見師傅的功力十足。和牛壽喜燒煱可以因應自己的喜好去調教牛既生熟度，而我最鍾意尼個煱既地方係因為佢有好多唔同既菜，D菜吸收晒牛肉同湯既精華。