Video
Read full review
2022-09-07
1891 views
好耐無返家鄉啦！估唔到係旺角有間居酒屋真係帶到日本居酒屋嘅感覺比我🇯🇵除咗香港人，都有唔少日本人幫襯。餐廳無論佈置、裝修、菜式都仿照日本嘅居酒屋，就連各款日本酒都有提供。放工想飲杯sake、燒酒或者啤酒，同朋友傾吓計，都係一個好地方。𝖡𝖴𝖡𝖴推介🔥👍 銀鱈魚西京燒經典嘅日本家常菜，坊間見到嘅通常都係三文魚或者鯖魚，一般只有高級餐廳先會用銀鱈魚做西京燒。銀鱈魚肉質嫩滑，好容易就夾得起；西京燒味噌控制得啱啱好，唔會太鹹，配埋蛋黃醬簡直係人間滋味。👍 鹽燒親子軟殼蝦Menu上面冇嘅菜式，要睇返牆上面嘅期間限定先會搵到。所謂親子，就係帶有蝦子嘅蝦。餐廳以爐端燒嘅方式一串串咁少，燒到殼都軟晒可以成隻食。外殼好趣，蝦肉依然彈牙有蝦味，蝦子咬落脆卜卜，每一啖都好有層次感。👍 雜錦天婦羅雖然天婦羅唔係咩特別嘅菜式，但見到每台都有嗌，咁梗係要試吓啦！既然雜錦，除咗天婦羅蝦之外，仲有秋葵、粟米、茄子、南瓜等椰菜，雖然係炸物但都做到營養均衡。即叫即炸，配上天婦羅汁同蘿蔔蓉，好有日本風味🇯🇵📍令和居酒屋 旺角洗衣街111-127號建煌華廈2期地舖
好耐無返家鄉啦！估唔到係旺角有間居酒屋真係帶到日本居酒屋嘅感覺比我🇯🇵除咗香港人，都有唔少日本人幫襯。餐廳無論佈置、裝修、菜式都仿照日本嘅居酒屋，就連各款日本酒都有提供。放工想飲杯sake、燒酒或者啤酒，同朋友傾吓計，都係一個好地方。
𝖡𝖴𝖡𝖴推介🔥
👍 銀鱈魚西京燒
經典嘅日本家常菜，坊間見到嘅通常都係三文魚或者鯖魚，一般只有高級餐廳先會用銀鱈魚做西京燒。銀鱈魚肉質嫩滑，好容易就夾得起；西京燒味噌控制得啱啱好，唔會太鹹，配埋蛋黃醬簡直係人間滋味。
👍 鹽燒親子軟殼蝦
Menu上面冇嘅菜式，要睇返牆上面嘅期間限定先會搵到。所謂親子，就係帶有蝦子嘅蝦。餐廳以爐端燒嘅方式一串串咁少，燒到殼都軟晒可以成隻食。外殼好趣，蝦肉依然彈牙有蝦味，蝦子咬落脆卜卜，每一啖都好有層次感。
👍 雜錦天婦羅
雖然天婦羅唔係咩特別嘅菜式，但見到每台都有嗌，咁梗係要試吓啦！既然雜錦，除咗天婦羅蝦之外，仲有秋葵、粟米、茄子、南瓜等椰菜，雖然係炸物但都做到營養均衡。即叫即炸，配上天婦羅汁同蘿蔔蓉，好有日本風味🇯🇵
📍令和居酒屋
旺角洗衣街111-127號建煌華廈2期地舖
Post
