Video
Read full review
2021-11-09
54 views
一直對於日式Mix西式嘅餐廳特別鍾情，朋友推薦下，今晚嚟到灣仔新鴻基中心試一試👍🏻日本產黑毛和牛漢堡扒 配牛肋條絕對值得品嚐既一道菜，漢堡肉確保選用高級黑毛和牛，人手搓製。上台嘅時候，職員會幫忙𠝹開錫紙袋，香噴噴嘅味道隨即而來，食落去肉汁四濺，入口牛香勁濃，咬落唔會好鬆散，配上香郁和牛燴醬汁同洋蔥粒，味道不油不膩。（職員解釋漢堡經過廚師多重拍打，所以肉質會比起一般鬆軟），另外仲配上牛肋條同牛油焗薯，超級豐富嘅一碟餸菜。💡加$20可以配白飯或者麵包（仲可以無限refill），麵包香脆可口，可以點上和牛醬汁，份外惹味。👍🏻日本產黑毛和牛厚切牛柳扒來自鹿兒島的黑毛和牛（冇得去旅行唯有用味蕾去回味），點左五成熟，熟成度剛好，肉質粉嫩至極，食落保留左固有既肉汁同鮮嫩度！食落油脂馥香，雖未到入口即溶但已相當嫩腍。碟上盤有四種調味，沾上小量芥茉醬同Wasabi都分別能夠為牛扒提鮮！👍🏻白醬意大利面配香煎北海道帶子三粒北海道帶子清甜，厚肉， 煎至熟嘅口感非常滑溜。自家製嘅意粉特別有咬口，醬汁奶油味好重，濃濃杰杰 ，更大有少少黑松露嘅香氣，捲起意粉能做到掛汁之效。上枱時，職員仲會好細心問需唔需要加上黑胡
👍🏻日本產黑毛和牛漢堡扒 配牛肋條
絕對值得品嚐既一道菜，漢堡肉確保選用高級黑毛和牛，人手搓製。上台嘅時候，職員會幫忙𠝹開錫紙袋，香噴噴嘅味道隨即而來，食落去肉汁四濺，入口牛香勁濃，咬落唔會好鬆散，配上香郁和牛燴醬汁同洋蔥粒，味道不油不膩。（職員解釋漢堡經過廚師多重拍打，所以肉質會比起一般鬆軟），另外仲配上牛肋條同牛油焗薯，超級豐富嘅一碟餸菜。
💡加$20可以配白飯或者麵包（仲可以無限refill），麵包香脆可口，可以點上和牛醬汁，份外惹味。
👍🏻日本產黑毛和牛厚切牛柳扒
來自鹿兒島的黑毛和牛（冇得去旅行唯有用味蕾去回味），點左五成熟，熟成度剛好，肉質粉嫩至極，食落保留左固有既肉汁同鮮嫩度！食落油脂馥香，雖未到入口即溶但已相當嫩腍。碟上盤有四種調味，沾上小量芥茉醬同Wasabi都分別能夠為牛扒提鮮！
👍🏻白醬意大利面配香煎北海道帶子
三粒北海道帶子清甜，厚肉， 煎至熟嘅口感非常滑溜。自家製嘅意粉特別有咬口，醬汁奶油味好重，濃濃杰杰 ，更大有少少黑松露嘅香氣，捲起意粉能做到掛汁之效。上枱時，職員仲會好細心問需唔需要加上黑胡椒！
👍🏻香草煎鮮味波特大蘑菇
蘑菇共有四大塊，厚肉有汁，煎得香口，菇菌味濃郁，可以點上漢堡嘅醬汁。
👍🏻味噌香烤甜粟米
粟米一分為六，方便易食。表層配上甜甜嘅醬汁，燒至焦黃面，咬落清甜，係一款小編好喜歡嘅小食。
👍🏻👍🏻職員服務超級殷勤又細心，餐廳就算係開放式廚房，但係完全聞唔到油煙味，連啲廚師都好專心致志地煮菜。
#優惠情報
七點之前既Happy Hour買一送二！平到！
Post
