桔梗 (Closed)

終於開返晚市堂食喇😭呢日約埋朋友一齊出咗嚟旺角，去呢間幾出名嘅台Cafe桔梗！餐廳推出緊期間限定嘅壽喜燒，套餐有分Set A/B，我哋一眼就睇中咗日本A4黑毛和牛，所以揀咗Set A✌️日本A4黑毛和牛壽喜燒嘅主角，質素相當高的日本A4黑毛和牛，油脂紋理分布均勻，就咁見到已經流晒口水😋一開始，店員會以牛脂肪起爐，配上大蔥、黑糖，再倒少量醬汁去烹調牛肉🤪每人一隻蘭王蛋，呢隻蛋係日本進口，蛋黃嘅色澤好靚，平時可以直接用嚟撈飯食添😆黑毛和牛沾上蛋液食就一流，令牛肉口感更加嫩滑，牛味極重，非常滿意🤩野菜豆腐盤和牛落晒我個肚之後，就可以加入上湯、壽喜燒汁煮成湯底，放上洋蔥、大蔥、豆腐、芋絲、栗米仔、紅蘿蔔、金針菇、皇帝菜、娃娃菜繼續食，蔬菜普遍新鮮，索晒湯汁好入味👍白飯表面有飯素，味道唔錯！