WIRED CAFE (Closed)

年初二拜年之前去行下銅鑼灣，行行下有d攰就係希慎度隨便搵間餐廳坐底食野。轉頭就食飯所以唔想太heavy，最好causal d, 份量小d 既cafe. 本身係呢間同8 grand之間揀，最後weird cafe個裝修吸引左我地。我地被安排坐到窗口4人桌，可能初二關係，店內只有一半full，但服務員卻走過來說坐4人桌有限時個半中。不過都ok 我地都係係咁二食下野。睇食評見有人介紹明太子意粉，我本身都係明太子fans，就order 左個。味道唔錯，醬汁同意粉軟硬度我都喜歡，份量ok, 無失望。不過塊包唔知想點。第2碟係fusion菜，墨西哥mix 日本。idea係將墨西哥既卷餅taco,保留左內餡食材，外面既皮換成日本飯, 就係taco rice la! 最初既taco rice 其實係源自沖繩架!我本身好鐘意食墨西哥taco, 但taco rice 就真係第一次食，味道好夾之餘仲好岩我呢d中2食飯既人。配埋薯餅同一個芝士煙肉卷。芝士煙肉卷一般，反而側邊個salad我就好欣賞，醬汁好味，蕃茄又鮮甜。呢個都值得推介下。