Le Bec Fin

Open Now

Now Closed

呢間位於北角小有嘅日法fusion，tasting menu 嘅菜式都有另於一般嘅fine dinning，比較多元化啲！炸粟米外脆內甜，crab with jelly 我想日本毛蟹海膽再加埋蟹膏，加埋高湯啫喱就更特出鮮味。Beef tartare 用上日本和牛黎做，肉味濃而肉嫩，加埋個甜甜地嘅汁，呢個都幾好食。Tuna Cutlet呢個都幾驚喜，用上吞拿魚大腩，炸得岩岩好，外脆但入口即溶，幾正。洋蔥湯嘅洋蔥炒到勁甜，所以成個湯都好甜，加埋海量芝士一齊焗，都幾出色。chargrilled fish 炭燒喜之次，魚皮燒到勁香但魚肉keep到好滑，加埋用左高湯煮嘅蘿白，連我呢個唔太鐘意食熟魚嘅人都覺得幾唔錯！steak sandwiches 用上日本近江A5牛柳，肉嫩唔肥，加埋香脆嘅麵包，簡簡單單都已經好味。chicken ramen真係勢都估唔到有雞白湯拉麵食😂湯頭都幾濃，食到咁男仔都唔怕唔飽了！Dessert有自家製芒果糯米糍同咖啡奶凍，咖啡奶凍嘅咖啡未比想像中濃同滑，亦都有重重嘅奶香，驚喜。芒果糯米糍就好煙靭，有少少豆蓉喺中間，勁似日本嗰啲和菓子！