十八夢

銅鑼灣呢間餐廳日式西式都有，裝修勁有氣氛，午餐黎食都好正。🥗前菜 午餐都有前菜，包佐味噌湯，季節野菜沙律同埋茶碗蒸，味噌湯好香濃，味噌味十足，仲有啲豆乾海帶，好好飲；而沙律亦用佐好新鮮既沙律菜，加埋啲醋同乾麵包粒，清新；菜碗蒸既蛋好滑，蛋香十足，另外仲有隻海螺仔，正！🍱季節手握壽司盛六件•北海道海鮮丼先講海鮮丼，飯既份量唔會好多，但海鮮材料就好足，有大大粒既帶子，又有三文魚籽，仲有蟹籽蛋絲果啲，夠晒鮮味，啲飯麵有味素少少調味，更加好食；另外六件壽司都係刺身夠晒新鮮，好特別既有銀魚仔刺身配既壽司飯，原來好鮮甜，加上面頭既三文魚籽，更加鮮味！