岩盤牛扒 ミディアムレア ステーキ (博文街) (Closed)

雖然係疫情肆虐下好多舖頭都執咗，但係亦無損日本過江龍過嚟香港發展。偶爾行經大角咀，見到呢間日系石燒牛扒快餐，係好奇心驅使下就入咗去試吓啦。餐廳係採用自助形式點餐，可以跟着Menu選擇自己想食嘅部位同埋想食嘅gram數，全部即磅即切即燒，夠快夠熱夠新鮮。除咗淨食牛扒仲可以加$28轉成套餐，可以選擇加飯加麵豉湯同沙律菜仲有飲品添。我揀咗Premium嘅後腰三角肉200gram同加咗錢轉成套餐，有麵豉湯，沙律同埋一個飲品。餐廳仲好細心喺門口位置放置左即棄嘅圍裙，等你切牛扒嗰陣時唔使驚比啲油彈親而污糟件衫。餐枱上亦都付上玫瑰岩鹽同埋黑椒係你自己調配味道。一上菜就見到個三角肉切得好厚身，外面燒得好香脆仲有少少焦香味。一切落去真係粉紅色嘅medium rare，流出勁多肉汁！如果唔鍾意食太生嘅仲可以用石板嘅餘溫煎一煎佢。比起西冷牛扒我更加鍾意食後腰三角肉， 佢嘅肉質更加林同埋更加Juicy。隨餐奉上老闆自製嘅牛扒醬汁酸酸甜甜咁可以解膩。