Video
Read full review
2024-06-14
668 views
哥哥每次考完試，我都會同佢食餐好！考試放11點，一於去食哥哥想食好耐既 All Day Breakfast，順便扮下文青！放學坐幾個站港鐵，去左位於 荔枝角工廠大廈入面既西餐廳 Pause It!雖然位於工廠大廈入面，但係裝修好簡約清新，有日系清新既感覺，令人好舒服，打卡一流！哥哥點左 AllDayBreakfast (全日早餐)!有 法蘭克福腸 、煙肉、炒雜菇、煎蕃茄、沙律菜、酸種麵包、茄汁豆，蛋仲可以自由選配 煎蛋/炒蛋/水波蛋，哥哥選左 「水波蛋」！水波蛋時間控制得好好，流心好靚！法蘭克福腸又唔會好咸，哥哥一個人食晒都唔怕！沙律菜好新鮮。我最欣賞係麵包！餐廳選用左酸種麵包，口感真係特別唔同，別有一番風味！炒雜菇份量好多，多到我哋食唔晒！歎早餐，點可以無杯靚飲品？ 呢間餐廳有拉花飲品 架！基本上有奶既飲品都可以拉花！哥哥就點左杯 NonCoffee系列既 朱古力！拉花圖案隨機，咖啡師整左隻「可愛小浣熊」 ，難度比一般心心拉花高好多架！哥哥勁開心，不停話好可愛，唔捨得飲！我自己就點左burger 「牛肉煙肉漢堡芥末蛋黃醬配薯條」！成份餐都好厚！包好厚，好軟熟；漢堡扒一樣好厚好大塊，
放學坐幾個站港鐵，去左位於 荔枝角工廠大廈入面既西餐廳 Pause It!
雖然位於工廠大廈入面，但係裝修好簡約清新，有日系清新既感覺，令人好舒服，打卡一流！
哥哥點左 AllDayBreakfast (全日早餐)!
4 views
0 likes
0 comments
有 法蘭克福腸 、煙肉、炒雜菇、煎蕃茄、沙律菜、酸種麵包、茄汁豆，蛋仲可以自由選配 煎蛋/炒蛋/水波蛋，哥哥選左 「水波蛋」！
水波蛋時間控制得好好，流心好靚！
法蘭克福腸又唔會好咸，哥哥一個人食晒都唔怕！沙律菜好新鮮。
我最欣賞係麵包！
餐廳選用左酸種麵包，口感真係特別唔同，別有一番風味！炒雜菇份量好多，多到我哋食唔晒！
歎早餐，點可以無杯靚飲品？ 呢間餐廳有拉花飲品 架！基本上有奶既飲品都可以拉花！哥哥就點左杯 NonCoffee系列既 朱古力！
拉花圖案隨機，咖啡師整左隻「可愛小浣熊」 ，難度比一般心心拉花高好多架！哥哥勁開心，不停話好可愛，唔捨得飲！
我自己就點左burger 「牛肉煙肉漢堡芥末蛋黃醬配薯條」！
成份餐都好厚！
包好厚，好軟熟；
漢堡扒一樣好厚好大塊，剛好熟，好jucy多汁！煙肉好脆，唔油膩，配埋勁大份既薯條，我未食早餐，食完都好飽！
原本哥哥仲想點小食，好彩我制止左，因為我哋2份餐，1杯飲品，都食剩少少！
下次同埋爸爸，二寶黎，再試小食同意粉！
埋單姐姐俾左張印仔卡我，原來仲有其他分店，可以儲印仔呀！
溫馨提示：我哋走果陣，剛好係lunch hour，差唔多坐滿餐廳！如果唔趕時間，避開繁忙時間，靜靜食野，享受下一個人既時間都唔錯！
Post
