Video
Read full review
2021-10-17
232 views
九龍城越開越多靚cafe，今次忙裡偷閒趁lunch break去嘅哩間日式小店，店門簡潔，白色外牆加橡木門，唔係做過research絕對唔會覺得裡面有野食😂，應該會直接miss掉。內裡分兩部分，首先係賣物部，更貼切來説更似係日本古道具嘅show room和店主嘅個人收藏品，講真每樣物品都好有巧思，其中不少係木器，值得一一細味，就好似去睇咗一場展覽咁。進入第二間房用餐，燈光轉昏暗，就似穿梭了時空，去到江戶時代嘅日本咁。裡面只有寥寥五張枱，所以空間感較強，而每張枱都各有特色，由唔同嘅燈光與裝飾配襯，係與眾不同的用餐體驗。食物選擇不多，有飲品，麵包定食，甜品定食etc。我order的焙茶黑芝麻飲(HKD60)雖然系凍飲，但系冇冰。入口系非常濃郁嘅黑芝麻味，配埋上面有一層類似焙茶芝士嘅物體，好creamy。而三點甜品定食(HKD80)就非常精緻，三點分別系玫瑰荔枝海綿蛋糕、柚子撻同豆腐泡芙。其中最欣賞個其貌不揚嘅荔枝海綿蛋糕，中間有一層豐富荔枝味嘅gel，好似食緊真嘅荔枝肉一樣。聽聞小店以前係預訂制，可能現在周邊嘅coffee shop越開越多，今次平日中午walk in成功✌。總結: 小貴但
內裡分兩部分，首先係賣物部，更貼切來説更似係日本古道具嘅show room和店主嘅個人收藏品，講真每樣物品都好有巧思，其中不少係木器，值得一一細味，就好似去睇咗一場展覽咁。
進入第二間房用餐，燈光轉昏暗，就似穿梭了時空，去到江戶時代嘅日本咁。裡面只有寥寥五張枱，所以空間感較強，而每張枱都各有特色，由唔同嘅燈光與裝飾配襯，係與眾不同的用餐體驗。
食物選擇不多，有飲品，麵包定食，甜品定食etc。我order的焙茶黑芝麻飲(HKD60)雖然系凍飲，但系冇冰。入口系非常濃郁嘅黑芝麻味，配埋上面有一層類似焙茶芝士嘅物體，好creamy。而三點甜品定食(HKD80)就非常精緻，三點分別系玫瑰荔枝海綿蛋糕、柚子撻同豆腐泡芙。其中最欣賞個其貌不揚嘅荔枝海綿蛋糕，中間有一層豐富荔枝味嘅gel，好似食緊真嘅荔枝肉一樣。
聽聞小店以前係預訂制，可能現在周邊嘅coffee shop越開越多，今次平日中午walk in成功✌。總結: 小貴但系值得到此一遊。
Post
