千府·居食屋 (Closed)

一首 #流淚行勝利道，令勝利道多咗人留意。但勝利道最吸引嘅係小店食肆。#旺角美食｜我想行開下，日系質感居酒小屋 冠上日系質感一詞唔過份。店面小小嘅一間居酒屋，甫進入，滿席。見一枱食客西裝筆挻，模住酒杯食串燒，同店員相談甚歡，那種氣氛，正是日系質感，親切的人情味與交流。基本上樣樣都oishiiiii！好鍾意兩款茶碗蒸。小碗精緻係心思位，另外蒸蛋香滑又足料，topping 嘅鱘魚籽海膽同松葉蟹膏蟹肉當然都好夠重量級！另外刺身同壽司都好新鮮，當中刺身五點以呢個價位可以食到海膽，性價比高。另外沙律嘅竟然有海膽！仲可以自家配紫菜！另外前菜沙律個蟹肉餅有咸鮮，味道好特別！而另一款自家製手作免治雞肉軟骨餅屬同門之作吧？味道都好深刻。至於燒物方面 ，日本黑豚腩肉同燒日本青椒仔個人認為必試！黑豚腩肉油香出眾，後者青椒仔就係個新鮮嘅組合，整體燒物都幾高分。作結嘅鰻魚炒飯，份量好多，飯粒分明而鰻魚都好大件！本身自覺有啲應接不下，但由於太好食，所以最尾都全清LOL／餐前小食／五點刺身／香煎牛油果蟹肉餅沙律／千府火灸盛盒／鱘魚籽海膽茶碗蒸／松葉蟹膏蟹肉茶碗蒸／ 手作免治雞肉軟骨餅／鰻魚炒飯／鈿女 天女之舞純米吟