Figaro (Moved) New Location

今天去左中環食晩餐，朋友話有間日藉女廚師煮既西餐幾好食，為左揾食，我地由中環地鐵站一路行上山，其實都幾攰嫁，但為左有好西食，當然要用多d腳骨力啦。薩摩骨付雞腿季節嘢菜$198本身話無雞腿轉左用雞胸，點知呈上既時侯又轉又話有番雞腿，好彩我冇轉左食牛姐。雞腿大隻厚肉，食肉獸幾開心。雞肉既肉質好滑好嫩，熟得岩岩好，只係調味唔係太夠，而雞皮就好足味，所以一定要連皮食啦。白松露油自製薯蓉法包$78一大隻雞腿煮左好長時間，由於好肚餓，我地就叫左d side食住先。上台有鼓強勁既松露香，法包好薄切，薯蓉好滑好清，如果想飽肚d，就要配多d薯蓉食喇。