ZENI RONE

Open Now

Now Closed

偶遇呢間小店，係係一間L Buy賣各式精品的店舖內，被打卡既茶盒牆吸引，就試下嘆個茶食個甜品。白汁磨菇煙肉薄餅，個批好精緻，批邊好脆，整體似薄脆咁，咸香咸香既感覺。因為見到門口推薦泡芙，仲係世界級評鑑金獎，當然要試試!!首推芒果焦脆泡芙，外皮好脆食到層次感，但餡既cream質感就好似係芒果雪糕，超級清香，一啖滿口果味，同友人都非常喜歡呢款咁fresh 既味道，好岩夏天食! 朱古力士多啤梨焦脆泡芙，外表黑漆漆，內裡係creamy 既士多啤梨cream，呢款係較濃郁，朱古力同士多啤梨既味都食到，而士多啤梨cream會中和濃濃既朱古力，喜歡dark choco 既一定要試下。牛角包幼幼長長，入面原來係包住結實既cream，但奶油係唔會膩，愈食愈上癮。餐廳做緊promo，like & share 就可以選舉飲Mlesna茶或者全單減$5。呢杯茶超驚喜，好順口又好有果香，仲有一鼓冰感，店員向我地介紹呢個茶係有ice wine 既口感，的確真係，甜甜的，又有涼涼的。打卡牆有各式口感既Mlesna茶盒，送禮一流，又有品味。