Video
Read full review
2024-08-11
186 views
📍AOAO🔎中環皇后大道中38號萬年大廈14樓 ----Happy Hour雖然開心，但係空肚飲酒一向唔係我杯茶，對於我嚟講美酒一定要配佳餚，成件事先Perfect池。.呢間地理位置非常方便嘅中環酒吧餐廳，從中環地鐵站行過嚟大概3分鐘，坐落Five guys樓上嘅萬年大廈。一打開電梯，暗黃嘅燈光令餐廳顯得好有神秘感。酒吧裝潢行摩登風格，分為室內室外兩個部份，室外其實比室內空間仲要大少少，但係天氣真係好熱，都係坐返室內。坐低叫咗兩杯酒，AOAO SANGRIA同THE DAISY，前者有別於一般嘅傳統SANGRIA，係以Champagne做Base，加入蘋果藍莓士多啤梨同青瓜等等，行清爽路線，後者就加入VSOP，味道偏酸，酒勁較強。酒味道正常，但佢地嘅食物水準卻是驚艷級別。**HAMACHI**新鮮油甘魚魚油好豐腴，搭配自家調配嘅泰式酸甜醬汁、鹹蛋黃及片片細切苦瓜，調味具新鮮感且酸甜開胃。**PICKLED TOMATO SALAD**剝皮糖漬番茄嫩口爆汁，加上加入清湯製成嘅奶油，入口口感絲滑輕盈，而且好清甜。**CARAMELIZED PUMPKIN**香軟綿綿嘅南瓜以焦糖烤製，微甜微
📍AOAO
🔎中環皇后大道中38號萬年大廈14樓
----
Happy Hour雖然開心，但係空肚飲酒一向唔係我杯茶，對於我嚟講美酒一定要配佳餚，成件事先Perfect池。
.
呢間地理位置非常方便嘅中環酒吧餐廳，從中環地鐵站行過嚟大概3分鐘，坐落Five guys樓上嘅萬年大廈。一打開電梯，暗黃嘅燈光令餐廳顯得好有神秘感。酒吧裝潢行摩登風格，分為室內室外兩個部份，室外其實比室內空間仲要大少少，但係天氣真係好熱，都係坐返室內。
坐低叫咗兩杯酒，AOAO SANGRIA同THE DAISY，前者有別於一般嘅傳統SANGRIA，係以Champagne做Base，加入蘋果藍莓士多啤梨同青瓜等等，行清爽路線，後者就加入VSOP，味道偏酸，酒勁較強。酒味道正常，但佢地嘅食物水準卻是驚艷級別。
**HAMACHI**
新鮮油甘魚魚油好豐腴，搭配自家調配嘅泰式酸甜醬汁、鹹蛋黃及片片細切苦瓜，調味具新鮮感且酸甜開胃。
**PICKLED TOMATO SALAD**
剝皮糖漬番茄嫩口爆汁，加上加入清湯製成嘅奶油，入口口感絲滑輕盈，而且好清甜。
**CARAMELIZED PUMPKIN**
香軟綿綿嘅南瓜以焦糖烤製，微甜微鹹，加上帶有少許獨特Cinnamon香氣，貌似樸實無華嘅一道餸，但係非常高質，完全令人停唔到口。
**TONKA TSU**
炸得乾爽香脆嘅Iberico豬，肉味濃郁，2分肥8分瘦，比例亦適中，肉質亦好Juicy，搭配顏色好似麻醬嘅酸甜布冧乳酪醬，濃膩平衡得恰到好處。
**HAIRY CRAB BUTTER UDON**
烏冬入口非常彈牙且滑溜，醬汁帶有濃郁蟹膏味，絲絲粉色蟹肉亦係落得毫不留手，搭配日本生雞蛋、少許香蔥及明太子，攪拌均勻，啖啖入口都味道豐富。
最後以芝士🧀蛋糕同紅豆大福收尾，芝士蛋糕幼滑輕盈，紅豆🫘大福外皮煙靭，內餡低甜，兩款都得我歡心。
Post
