Video
Read full review
2017-10-07
68 views
放假了，當然要同朋友出黎行街兼搵食啦，是晚來到觀塘的工廈，聽朋友說開了新的韓國菜，一於黎試一試。店內都幾濶落，但冷氣略微不足，個人很怕熱啦。森巴皇后（$68）先點了一jar飲品大家share，是檸檬菠蘿特飲。剛剛好分到四杯，酸酸甜甜幾好味。濟洲黑豚石窩飯（$68）泡菜加上豬肉片，辣辣地夠惹味，飯焦焦香，食石頭窩飯就係鍾意啲飯焦。豚肉辣炒年糕（$58）年糕煙煙韌韌，嘩嘩，個汁好辣下喎，唔講得笑㗎，豬腩肉夠肥好甘香，都幾好味。新村pizza（$48）其實咩係新村…？哈哈，唔係好識韓國野。pizza上係豬手同年糕，仲有大量芝士，幾特別嘅配撘。pizza餅底堅硬有嚼勁，個人覺得幾好食，硬硬地幾好吖。博多明太子蛋卷（$46）蛋好嫩滑呀，明太子鹹香微辣，呢個勁正！極上牛肋骨（$98）＆柚子胡椒雞腿肉（$36）韓式辣醬同燒肉汁點燒肉店員就會比個portable嘅燒烤爐，幾方便。火力猛啲肉好快熟，但唔好處係無抽風管，搞到周圍好大油煙，旁邊幾枱人即刻彈開左，哈哈。雞腿肉嫩滑，強烈的柚子香調味很不錯，雞皮勁香口呀。牛肋骨調味偏鹹，但肉味濃郁，咬落一口牛油，都幾正。雖不是韓藉老闆主理，但食物韓風十足，價錢相
店內都幾濶落，但冷氣略微不足，個人很怕熱啦。
森巴皇后（$68）先點了一jar飲品大家share，是檸檬菠蘿特飲。
剛剛好分到四杯，酸酸甜甜幾好味。
濟洲黑豚石窩飯（$68）泡菜加上豬肉片，辣辣地夠惹味，飯焦焦香，食石頭窩飯就係鍾意啲飯焦。
豚肉辣炒年糕（$58）年糕煙煙韌韌，嘩嘩，個汁好辣下喎，唔講得笑㗎，豬腩肉夠肥好甘香，都幾好味。
新村pizza（$48）其實咩係新村…？哈哈，唔係好識韓國野。pizza上係豬手同年糕，仲有大量芝士，幾特別嘅配撘。pizza餅底堅硬有嚼勁，個人覺得幾好食，硬硬地幾好吖。
博多明太子蛋卷（$46）蛋好嫩滑呀，明太子鹹香微辣，呢個勁正！
極上牛肋骨（$98）＆柚子胡椒雞腿肉（$36）
韓式辣醬同燒肉汁
點燒肉店員就會比個portable嘅燒烤爐，幾方便。火力猛啲肉好快熟，但唔好處係無抽風管，搞到周圍好大油煙，旁邊幾枱人即刻彈開左，哈哈。
雞腿肉嫩滑，強烈的柚子香調味很不錯，雞皮勁香口呀。
牛肋骨調味偏鹹，但肉味濃郁，咬落一口牛油，都幾正。雖不是韓藉老闆主理，但食物韓風十足，價錢相宜好多，想食韓國菜都係一個好選擇！
Post
