Video
Read full review
2021-11-27
678 views
今日2個人帶狗狗到天空之城late lunch。之前收藏咗呢間餐廳，但嚟到之後先發現原來年幾前已嚟過，只係果次對食物的感覺一般，所以冇乜印象。今次再嚟，食物水準我覺得都幾驚喜！今日點咗一客輕午餐（雞扒意式包配薯條$78）同一客下午茶餐（芝士蘑菇奄列$40），飲品升級咗做一凍一熱的特濃朱古力（跟餐加$16/杯）。雞扒意式包配薯條一嚟到好驚喜，因為件雞扒超大件，個意式包唔細，但一併落去件雞扒突曬出嚟，大滿足。狗狗爸爸話雞扒帶少少脂肪，肉軟稔，好味。一般漢堡都係跟漢堡包，比較大路，而呢個餐係跟意式包，特別之餘，包夠鬆軟，亦有份量。薯條係少啲，不過，佢係薯仔炸出嚟架！有幾條薯條仲連薯皮。薯條炸到外脆內軟。就喺呢個時候，狗狗爸爸話：「下次可以再嚟」~係對呢間餐廳的認可。芝士蘑菇奄列以下午茶嚟講，份量足，女仔食夠飽。蘑菇算多，奄列裡面有洋蔥，洋蔥煮稔咗後軟身又帶甜味，仲有牛油跟多士，以呢個價錢同埋香港物價嚟講，性價比算高。一凍一熱的特濃朱古力同樣係加$16，但凍就抵啲，因為熱的賣相一般，凍果杯攞嚟「打卡」都抵。而且凍果杯都夠濃味，忌廉上仲有朱古力醬，搞勻後幾好飲。至於值唔值得加$16試特飲，我覺得
今日點咗一客輕午餐（雞扒意式包配薯條$78）同一客下午茶餐（芝士蘑菇奄列$40），飲品升級咗做一凍一熱的特濃朱古力（跟餐加$16/杯）。
雞扒意式包配薯條一嚟到好驚喜，因為件雞扒超大件，個意式包唔細，但一併落去件雞扒突曬出嚟，大滿足。狗狗爸爸話雞扒帶少少脂肪，肉軟稔，好味。一般漢堡都係跟漢堡包，比較大路，而呢個餐係跟意式包，特別之餘，包夠鬆軟，亦有份量。薯條係少啲，不過，佢係薯仔炸出嚟架！有幾條薯條仲連薯皮。薯條炸到外脆內軟。就喺呢個時候，狗狗爸爸話：「下次可以再嚟」~係對呢間餐廳的認可。
芝士蘑菇奄列以下午茶嚟講，份量足，女仔食夠飽。蘑菇算多，奄列裡面有洋蔥，洋蔥煮稔咗後軟身又帶甜味，仲有牛油跟多士，以呢個價錢同埋香港物價嚟講，性價比算高。
一凍一熱的特濃朱古力同樣係加$16，但凍就抵啲，因為熱的賣相一般，凍果杯攞嚟「打卡」都抵。而且凍果杯都夠濃味，忌廉上仲有朱古力醬，搞勻後幾好飲。至於值唔值得加$16試特飲，我覺得見仁見智，但我見到另一檯的客人同樣都係加咗錢嗌特飲。
埋單時發現呢間餐廳唔使加一，狗狗爸爸報告：「$150咋~」，佢覺得價錢比預期便宜。一般2個人帶埋狗狗到天空之城附近的餐廳消費，午市要二百零蚊（有時仲係一杯嘢飲2個人share），所以Crazy February真係好味又抵食。
最後，要提多3樣嘢：（1）店員姐姐待客至上，非常有禮貌，好欣賞佢呀；（2）如果揸車嚟，餐廳對住幾個車位，我見到有2檯食客都係一食完行幾步到對面就開車走，好方便，泊低架車又可以睇住架車，好安心；（3）要留意，而家雖然天氣轉涼，但戶外仍然有蚊，若果諗住坐出面，最好帶定蚊怕水。
凍特濃朱古力
$3
18 views
0 likes
0 comments
凍特濃朱古力
$32
14 views
0 likes
0 comments
熱特濃朱古力
$32
13 views
0 likes
0 comments
雞扒意式包配薯條
$78
16 views
0 likes
0 comments
芝士蘑菇奄列
$40
12 views
0 likes
0 comments
芝士蘑菇奄列
15 views
0 likes
0 comments
Post
